)
मुंबई, 17 एप्रिल : शिवसेना आमदार मंगेश कुडाळकर (Mangesh Kudalkar) यांच्या पत्नी रजनी मंगेश कुडाळकर (Rajni Kudalkar) यांनी आज गळफास घेऊन आत्महत्या (suicide) केल्याची धक्कादायक बातमी समोर आली आहे. रजनी यांनी आपल्या राहत्या घरी आत्महत्या केली. मंगेश कुडाळकर हे कुर्ला (Kurla) विधानसभा मतदारसंघाचे आमदार आहेत. मंगेश यांच्या पत्नी रजनी यांच्या आत्महत्येची बातमी समोर आल्याने एकच खळबळ उडाली आहे. रजनी कुडाळकर यांनी आत्महत्या नेमकी का केली याबाबतची माहिती अद्याप समोर आलेली नाही. पण त्यांच्या आत्महत्येच्या वृत्ताने मतदारसंघातील नागरीकांना धक्का बसला आहे. रजनी यांच्या आत्महत्येमागे कौटुंबिक वाद असल्याची चर्चा सुरु आहे. पण त्याबाबतची अधिकृत कोणतीही माहिती अद्याप समोर आलेली नाही. कुर्ल्याच्या नेहरु नगर परिसरात कुडाळकर कुटुंब वास्तव्यास आहे. नेहरु नगरमधील राहत्या घरीच रजनी यांनी आत्महत्या केली. रजनी यांच्या आत्महत्येची माहिती मिळाल्यानंतर पोलिसांनी तातडीने घटनास्थळी धाव घेतली. पोलीस कुडाळकर यांच्या घरी गेले तेव्हा त्यांना रजनी यांचा गळफास घेतलेला मृतदेह आढळला. पोलिसांकडून याप्रकरणाचा पुढील तपास सुरु आहे. रजनी यांनी आत्महत्या का केली? याबाबतची अद्याप अधिकृत अशी कोणतीही माहिती समोर आलेली नाही.
The body of Shiv Sena MLA Mangesh Kudalkar's wife Rajani was found hanging at her residence. Senior police officials present at the spot: Mumbai Police
— ANI (@ANI) April 17, 2022
रजनी यांच्या मुलाचं काही महिन्यांपूर्वी अपघाती निधन झालं होतं. त्यामुळे त्या खचल्या होत्या, अशीदेखील माहिती समोर येत आहे. दरम्यान, रजनी कुडाळकर यांच्या आत्महत्येची माहिती मिळाल्यानंतर शिवसेना सचिव मिलिंद नार्वेकर यांनी आमदार मंगेश कुडाळकर यांच्याशी संपर्क करून त्यांचे सांत्वन केलं. शिवसेना सचिव मिलिंद नार्वेकर यांनी घटनेची माहीती मुख्यमंत्री उद्धव ठाकरे यांनाही दिली आहे.
+6
फोटो
