)
मुंबई : पावसाळी अधिवेशन सुरू आहे. विधिमंडळाच्या पायऱ्यांवर सत्ताधारी आणि विरोधकांमध्ये गोंधळ पाहायला मिळाला. सत्ताधारी आणि विरोधकांमध्ये धक्काबुक्की झाली. त्यामुळे गोंधळाचं वातावरण होतं. मुख्यमंत्री एकनाथ शिंदे यांच्या गटातील आमदार विधान भवनाच्या पायऱ्यांवर ठाकरे गटाच्या विरोधात जोरदार घोषणाबाजी करत निदर्शने करत आहे. त्याचवेळी ठाकरे गटाचे आमदार आदित्य ठाकरे त्यांच्या समर्थक आमदारांसह आले. ठाकरे गट आणि शिंदे गटाचे आमदार आमने सामने आले. आम्ही बाळासाहेबांचे शिवसैनिक आहोत. डरपोक आहोत काय? असं भरत यांनी म्हटलं आहे. शिंदे गटातील नेत्यांनी संताप व्यक्त केला आहे. आमच्या नादी लागू नका असा इशारा भरत गोगावले यांनी दिला आहे. हा फक्त ट्रेलर होता अजून अख्खा सिनेमा बाकी आहे. विरोधकांनी ५० खोके एकदम ओके म्हणत शिंदे गटातील आमदारांना डिवचण्याचा गेले काही दिवस प्रयत्न केला होता. त्यानंतर या आरोपांना उत्तर देण्यासाठी शिंदे गटातील आमदार विधीमंडळ्याच्या पायऱ्यांवर आंदोलन करत होते कर नाही त्याला डर कशाला असंही भरत गोगावले म्हणाले. विधिमंडळाबाहेर मोठा गोंधळ पाहायला मिळाला. सत्ताधारी आणि विरोधक एकमेकांना भिडल्याने गोंधळ उडाला. एकमेकांच्या अंगावर धावून जाण्यापर्यंत हा गदारोळ सुरू झाला. सत्ताधारी आंदोलन करत असताना विरोधक त्यांच्या मध्ये गेले ज्यामुळे दोन्ही गटामध्ये मोठा वाद झाला. दोन्ही गटांनी एकमेकांविरोधात घोषणाबाजी केली. जशास तसं उत्तर देऊ, ते जेव्हा आंदोलन करत होते तेव्हा आम्ही मध्ये कधी आलो नाही. विरोधकांच्या नाकाला मिरच्या झोंबल्या अशी प्रतिक्रिया भरत गोगावले यांनी दिली आहे.
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
+6
फोटो
