)
अविनाश कानडजे प्रतिनिधी, छत्रपती संभाजीनगर : दारू पिण्यासाठी पैसे न दिल्याचा राग आल्याने साल्यानेच कुऱ्हाडीचे घाव घालून आपल्या मेव्हण्याचा खून केल्याची घटना कन्नड तालुक्यातील तपोवन भागात उघडकीस आली आहे. रणजीत अंकुश माळी असे मयताचे नाव असून नंदू गायकवाड असे आरोपीचे नाव आहे. या दोघांमध्ये पैशावरून जोरदार भांडण आणि शिवीगाळ सुरू झाली यातच आरोपी नंदू ऐकण्याच्या मनस्थितीत नव्हता तुला जास्त मस्ती आली तुझा काटा काढतो अशी धमकी दिली.
या धमकीनंतर दोघांमधील वाद विकोपाला गेला आणि आरोपीने कुऱ्हाड काढली आणि मेहुण्याच्या मानेवर दोन-तीन वार केले. यानंतर आरोपी नंदू याने डोंगराच्या दिशेने पळ काढला. मृत व्यक्तीचं नाव रणजी असल्याची माहिती मिळाली आहे. या घटनेमुळे परिसरात मोठी खळबळ उडाली आहे. याप्रकरणी पिशोर पोलीस ठाण्यात मयताच्या पत्नीने दिलेल्या फिर्यादीवरून नंदू गायकवाड विरुद्ध हत्येचा गुन्हा दाखल करण्यात आला आहे. पोलिसांकडून आरोपीचा शोध सुरू आहे. या घटनेमुळे छत्रपती संभाजीनगर हादरलं आहे.
+6
फोटो
