)
इंदापूर, 30 जून : कायद्याचा गैरवापर केल्याच्या घटना अनेकदा पाहायला मिळतात. अशीच एक घटना इंदापूर तालुक्यातही घडली आहे. महिलेने एका व्यक्तीवर बलात्काराचा खोटा आरोप करत तक्रार दिली होती. मात्र आता याप्रकरणी आरोपीला जामीन तर मिळालाच, पण फिर्यादीवर कडक आणि कठोर कारवाईचे आदेश बारामतीच्या न्यायालयाने पोलिसांना दिले. इंदापूर तालुक्यातील लाकडी येथील एका महिलेने वालचंदनगर पोलीस ठाण्यात आरोपीचे उसने घेतलेले पैसे मिळत नाही म्हणून आरोपीने वारंवार बलात्कार केला, अशी फिर्याद वालचंदनगर पोलिसात दिली. पोलिसात आरोपीविरूध्द गुन्हाही दाखल झाला. त्यानंतर पोलीस तपास सुरू झाला. दरम्यान, आरोपीने बारामतीच्या न्यायालयात जामिनासाठी अर्ज दाखल केला. पोलिसांचा तपास सुरू असताना फिर्यादीने आपल्या जबाबात बलात्कार झालाच नाही असे लेखी जबाबाचे प्रतिज्ञा पत्र दिले आणि या गुन्ह्याला वेगळेच वळण लागले. आरोपीच्या जामीन अर्जावर सुनावणी सुरू असताना या बाबतची फिर्यादीची विसंगती न्यायालयाच्या निदर्शनास आणून दिली. संबंधीत महिलेने खोटा गुन्हा दाखल करुन पोलीस आणि न्याय व्यवस्थेचा वेळ वाया घालवला म्हणून न्यायालयाने फिर्यादीवर कडक आणि कठोर कारवाईचे आदेश बारामतीचे न्यायधीश आर. आर. राठी यांनी दिले.
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
+6
फोटो
