तुळस, कडूनिंबाप्रमाणेच आरोग्यदायी आहे पिंपळ; फायदे वाचाल तर थक्क व्हाल

हिंदू धर्मात पिंपळाच्या झाडाला (peepal tree) खूप महत्त्व आहे. शिवाय पिंपळाचे झाड प्राणवायूचा चांगला स्रोत आहे. आयुर्वेदानुसार पिंपळाच्या झाडाचा प्रत्येक भाग म्हणजे बी, साल, पानं आणि फळं औषधी गुणांनी परिपूर्ण आहेत. पिंपळाच्या पानाबद्दल बोलायला गेलो तर आरोग्याशी संबंधित बर्‍याच समस्यांवर मात करण्यात हे मदत करतं. पिंपळाच्या पानांच्या औषधी प्रभावामुळे दमा, काविळ आणि मधुमेहासारख्या आजारांमध्ये आराम मिळतो. पिंपळ्याच्या पानांचे नेमके काय फायदे आहेत आणि त्याचा वापर कसा करावा पाहुयात. हृदय निरोगी ठेवते myupchar.com चे डॉ.लक्ष्मीदत्त शुक्ल यांनी सांगितलं, पिंपळाची पानं हृदयाचं आरोग्य टिकवून ठेवण्यास उपयुक्त ठरतात. हे हृदयाचे आजार असलेल्यांसाठी रामबाण औषध आहे. त्याचा वापर करण्याची पद्धत अगदी सोपी आहे. पिंपळाची पानं रात्रभर पाण्यात भिजवून ठेवा. सकाळी हे पाणी गाळून दिवसभर प्या. दिवसभरातून 2-3 वेळा हे पाणी प्यायल्याने हृदय निरोगी राहतं. मधुमेहासाठी फायदेशीर पिंपळाची पानं मधुमेह नियंत्रित करण्यास उपयुक्त ठरतात. पिंपळाच्या पानांचा रस रक्तातील साखरेची पातळी कमी करतात. पिंपळाची पानं इन्सुलिन आणि ग्लुकोज वापरण्याची शरीराची क्षमता वेगाने ऊर्जेमध्ये बदलतात. अतिसारापासून त्वरित आराम पिंपळाची पानं अतिसारावर उपचार करण्यास देखील मदत करतात. myupchar.com शी संबंधित एम्सचे डॉ. व्ही. के. राजलक्ष्मी यांनी सांगितलं, आव हा आतड्यांमधील संसर्ग आहे ज्यामुळे रक्त आणि श्लेष्माचा अतिसार होतो. हा संसर्ग जीवाणू किंवा परजीवी जंतुसंसर्गामुळे होतो. जर हा संसर्ग अमिबामुळे झाला असेल तर इतर समस्यांसह गंभीर रक्तस्राव होणारा अतिसार  होऊ शकतो. आव पडण्यापासून आराम मिळवण्यासाठी पिंपळाची पानं आणि कोथिंबीर एकजीव करून थोडी साखर घालून हळू हळू चघळा. श्वसन रोग, दम्यापासून आराम पिंपळाची पानं श्वसन रोगात आराम देतात. पिंपळाची पानं आणि साखर दुधात उकळवून घ्या. पिंपळाच्या पानांचे गुणधर्म संपूर्ण दुधात उतरलील इतकी उकळी येऊ द्या. हे दूध थंड झाल्यावर प्या. तुम्ही दिवसातून दोनदा हा उपाय करू शकता. कावीळची लक्षणं कमी करतं कावीळची लक्षणं कमी करण्यासाठी पिंपळाची पानं उपयुक्त ठरू शकतात. यासाठी पिंपळाची पानं आणि खडीसारख यांचा रस बनवा. आपण दिवसातून 2-3 वेळा हा रस पिऊ शकता. बद्धकोष्ठता दूर करण्यासाठी बद्धकोष्ठतेमुळे मूळव्याधसारख्या इतर अनेक समस्या उद्भवतात. पिंपळाची पानं पाचन तंत्रास योग्य प्रकारे मदत करण्यासाठी वापरली जाऊ शकतात. दूधात या पानांची पावडर, गूळ आणि बडीशेप पावडर मिसळा. झोपण्यापूर्वी हे दूध प्या. यामुळे बद्धकोष्ठता दूर होईल. अधिक माहितीसाठी वाचा आमचा लेख -  हृदयरोग: लक्षणे, कारणे, उपचार, औषध… न्यूज__18 वर प्रकाशित आरोग्य विषयक लेख भारतातील पहिल्या_,_ विस्तृत आणि प्रमाणित वैद्यकीय माहितीचा स्त्रोत असलेल्या myUpchar.com यांनी लिहिलेले आहेत_. myUpchar.com_ या संकेत स्थळासाठी लेखन करणारे संशोधक आणि पत्रकार_,_ डॉक्टरांच्या सोबत काम करून_,_ आपल्या साठी आरोग्य विषयक सर्वंकष माहिती सादर करतात_._

• Follow us on