कल्याण डोंबिवलीत P1-P2, नंदूरबारमध्ये नाइट कर्फ्यू; राज्यात कुठे काय सुरू, काय बंद?

गेल्या 24 तासांत कल्याण डोंबिवली हद्दीत (KDMC lockdown news) रुग्णसंख्या दुपटीने वाढली. त्यामुळे  वाढत्या कोरोना रुग्णांची संख्या लक्षात घेत कल्याण डोंबिवली महापालिकेने कडक निर्बंध घालायचा निर्णय घेतला आहे.

दुकाने सकाळी 7 ते सायंकाळी 7 या वेळेत सुरु राहतील. शनिवार आणि रविवारी दुकाने पी-1 आणि पी-2 यानुसार खुली ठेवता येतील.

सर्व आठवडी बाजार पूर्णत: बंद राहणार आहेत.

भाजी मंडई 50 टक्के क्षमतेनुसार सुरू राहणार.

खाद्य आणि शितपेयांच्या सर्व गाड्या रात्री 9 वाजेपर्यंत सुरू ठेवता येतील.

पोळीभाजी केंद्रे सकाळी सात ते रात्री अकरा वाजेपर्यंत सुरू ठेवण्याची मुभा

सामाजिक, राजकीय, धार्मिक कार्यक्रम आणि उत्सवांना परवानगी नाही.

लग्न सभारंभ सकाळी 7 ते रात्री 9 या वेळेतच आयोजित करावेत. महापालिका प्रभाग क्षेत्र कार्यालय आणि पोलिसांच्या परवानगीनुसार सर्व नियमांचं पालन करण्याच्या अटीवर होतील.

हॉटेल्स, बार, रेस्टॉरंट  50 टक्के  क्षमतेनं आणि होम डिलिव्हरी रात्री 11 वाजेपर्यंत सुरू असेल.

जीम, व्यायामशाळा, स्विमिंग पूल, स्पोर्ट्स कॉम्प्लेक्स, खेळाची मैदानं, गार्डन्स इत्यादी वैयक्तिक सरावासाठी सुरू राहतील. सामूहिक, स्पर्धा किंवा कार्यक्रमांना परवानगी नाही.

रिक्षामध्ये दोनपेक्षा जास्त प्रवासी नाही.

गुरुवारपासूनच नवे अधिक कडक निर्बंध (New covid restrictions in kalyan dombivali) लागू करायचा निर्णय घेतला आहे. या नव्या निर्बंधांचं पालन न करणाऱ्यांवर थेट फौजदारी गुन्हा दाखल करण्याचे आदेश देण्यात आले आहेत.

नंदूरबारमध्ये संध्याकाळी सात ते सकाळी सहापर्यंत कडक निर्बंध असतील.

वैद्यकीय सेवा, दूध पुरवठा आणि वृत्तपत्र वितरण वगळता इतर सर्व कामं या कालावधीत बंद असतील.

जीम, सिनेमागृहे, स्विमिंग पूल पुढील आदेशापर्यंत पूर्णपण बंद राहतील.

दुकानदार, पेट्रोलपंप माल आणि कर्मचारी, फेरीवाले, शाळा, कॉलेज आणि कोचिंग क्लासेस चालकांनाही आरटी-पीसीआर टेस्ट बंधनकारक असेल.