)
मुंबई, 23 जुलै : स्वयंपाक करताना चहा, दूध, तेल आणि भाज्या यासारख्या गोष्टी गॅसच्या स्टोव्हवर पडणे अगदी सामान्य आहे, ज्यामुळे गॅस स्टोव्ह अनेकदा काळा, घाण आणि स्निग्ध होतो. लोकांना ते साफ करणे खूप कठीण जाते, म्हणून लोक अनेकदा गॅस स्टोव्हच्या साफसफाईकडे दुर्लक्ष करतात. यामुळे घाण अधिक वाढते आणि बर्नरमधून बाहेर पडणारी ज्योत देखील कमी होते. अशा परिस्थितीत तुम्ही शेफ पंकज भदोरिया यांनी दिलेल्या सोप्या टिप्स आणि युक्त्या वापरून गॅस स्टोव्ह स्वच्छ करू शकता. पंकज भदोरिया यांनी गॅस स्टोव्ह साफ करण्याची ही सोपी रेसिपी त्यांच्या अधिकृत इंस्टाग्राम अकाउंटवर शेअर केली आहे. पंकज भदोरिया यांच्या व्हिडिओ टिप्सद्वारे गॅस स्टोव्ह स्वच्छ करण्याचा सोपा आणि प्रभावी मार्ग जाणून घेऊया. गॅस स्टोव्ह साफ करण्यासाठी पंकज भदोरिया यांच्या टिप्स स्टोव्ह साफ करण्यासाठी एका भांड्यात तीन ते चार टेबलस्पून बेकिंग सोडा घ्या. आता त्यात साधारण अर्धा कप व्हिनेगर मिसळून घट्ट द्रावण तयार करा. नंतर हे द्रावण चमच्याने चांगले मिसळा. तुम्हाला दिसेल की, या द्रावणातून बुडबुडे उठताना दिसतील. आता चमच्याच्या मदतीने हे द्रावण गॅस स्टोव्ह आणि बर्नरभोवती ओता आणि चांगले पसरवा. त्यानंतर हे द्रावण गॅसच्या शेगडीवर सुमारे वीस मिनिटे तसंच राहू द्या. तोपर्यंत गॅस स्टोव्हवर पडलेले हे मिश्रण थोडे सुकेल. आता स्क्रबरच्या साहाय्याने गॅस स्टोव्ह हळूहळू घासून घ्या. तुम्हाला दिसेल की, गॅस स्टोव्ह आणि बर्नरच्या आजूबाजूची सर्व घाण सहज निघून जाईल. नंतर ओल्या कापडाने किंवा वंडर वाइप्सने गॅस स्टोव्ह कोरडा करा. तुमचा गॅस स्टोव्ह पूर्णपणे स्वच्छ होईल. आम्ही तुम्हाला सांगतो की, रेसिपीसोबत शेफ पंकज भदोरिया त्यांच्या अधिकृत इंस्टाग्राम अकाउंटवर क्लीनिंग टिप्स आणि ट्रिक्स शेअर करत असतात. अलीकडेच त्यांनी चहा गाळण्यासाठी एक सोपी आणि प्रभावी रेसिपी देखील शेअर केली आहे.
(सूचना : या लेखात दिलेली माहिती आणि सूचना सामान्य माहितीवर आधारित आहेत. News 18 Marathi यांना दुजोरा देत नाही. यांची अंमलबजावणी करण्याआधी संबंधित तज्ज्ञाशी संपर्क करा.)
+6
फोटो
