Black Walnuts: काळे अक्रोड म्हणजे पोषक घटकांचा खजिना; अनेक आजार रोखण्यास आहे फायदेशीर

नवी दिल्ली, 19 फेब्रुवारी : ड्रायफ्रुट्समध्ये (Dry Fruit) काजू, बदाम, बेदाणे तसेच अक्रोड खाणं आरोग्यासाठी खूप फायदेशीर मानलं जातं. अक्रोड हा एक प्रकारचा ड्रायफ्रुट्स आहे, जो कडक, हलका तपकिरी रंगाचा असतो आणि मानवी मेंदूच्या आकारात दिसतो, अक्रोडमुळे (Walnut) अनेक प्रकारच्या शारीरिक आजार होण्यापासून रोखता येतात. त्यात सर्वाधिक ओमेगा-3 फॅटी अॅसिड असते. याशिवाय अक्रोडमध्ये ऊर्जा, फायबर, अँटिऑक्सिडंट्स, पोटॅशियम, प्रोटीन, मेलाटोनिन, कार्बोहायड्रेट्स, कॅल्शियम, लोह, फॉस्फरस यांसारखे पोषक घटक असतात. अक्रोड कुकीज, केक, पुडिंग, मिठाई, एनर्जी बार, गोड मिठाई, स्मूदी इत्यादींमध्ये वापरले जाऊ शकते. आपण तपकिरी अक्रोड खूप खाल्ले असतील पण तुम्हाला माहीत आहे का की, काळे अक्रोड देखील असतात. काळे अक्रोड (Black Walnuts), बॅक्टेरियाच्या वाढीस प्रतिबंध करणारा पदार्थ, अँटिऑक्सिडेंट संयुगे, आरोग्यास अनेक प्रकारे फायदेशीर (Benefits of Black Walnuts) ठरतो. काळ्या अक्रोडमधील पोषक घटक हिमांशी शर्मा, वरिष्ठ आहारतज्ज्ञ कम FSTL, इंडियन स्पाइनल इंज्युरीज (वसंत कुंज, नवी दिल्ली), म्हणतात की काळ्या अक्रोडात अँटिऑक्सिडंट, दाहक-विरोधी, बुरशीविरोधी गुणधर्म असतात. यासोबतच प्रथिने, फायबर, मिनरल्स, जीवनसत्त्वे यांचाही हा मुख्य स्रोत आहे. काळे अक्रोड खाण्याचे फायदे आणि तोटे हिमांशी सांगतात की, काळे अक्रोड मर्यादित प्रमाणात खाल्ल्याने लो डेन्सिटी लिपोप्रोटीन किंवा खराब कोलेस्ट्रॉल कमी होते. उच्च रक्तदाबाची समस्या असलेल्या लोकांनी काळे अक्रोड खावे. त्यामुळे जळजळ होण्याची समस्या कमी होऊ शकते. भूक लागलेली असताना काळे अक्रोड खा, कारण त्यात फायबरही असते. त्यामुळे वजन नियंत्रणात राहण्यास मदत होऊ शकते. हे वाचा -  Weight Loss Diet: वजन घटवण्यासाठी या पद्धतीनं खा 5 प्रकारचे सॅलड; आरोग्यासाठीही आहेत अनेक फायदे यामध्ये असलेले अँटी-फंगल, अँटीऑक्सिडंट गुणधर्म देखील रोगप्रतिकारक शक्ती वाढवतात. काळे अक्रोड कर्करोग, हृदयरोग, पीसीओडी, यकृत रोग इत्यादींपासून देखील संरक्षण करू शकतात. काळ्या अक्रोडाच्या फायद्यांबरोबरच काही तोटे देखील आहेत. जास्त प्रमाणात खाल्ल्यास एलर्जीची रिअ‌ॅक्शन होऊ शकते. प्रत्येकाला सारखीच ऍलर्जी असेलच असे नाही. काळ्या अक्रोडमध्ये असलेले टॅनिन पोटाच्या विकारांसाठी अँटीकोआगुलंट्स किंवा विशिष्ट औषधांमध्ये व्यत्यय आणू शकतात. जर तुम्हाला काळे अक्रोड खायचे असतील तर पोषणतज्ज्ञांचा सल्ला घेणं चांगलं. हे वाचा -  Cold Water : पाणी पिताना अनेकजण ही एक चूक करतात; नंतर अनेक आरोग्य समस्या मागे लागतात अक्रोड खाण्याचे फायदे अक्रोडाचे सेवन केल्यास चांगले कोलेस्ट्रॉल वाढते. अक्रोडमध्ये असलेले ओमेगा-3 फॅटी अॅसिड, अँटीऑक्सिडंट्स मेंदूच्या आरोग्यासाठी योग्य आहेत. स्मरणशक्ती आणि विचार करण्याची क्षमता सुधारते. मुलांची स्मरणशक्ती वाढते. फॉलेट, व्हिटॅमिन बी 9 च्या उपस्थितीमुळे, गर्भवती महिलांच्या शरीरात फॉलिक ऍसिडची कमतरता नसते. यामध्ये असलेले उच्च फायबर आणि कमी ग्लायसेमिक इंडेक्स देखील मधुमेहाच्या रुग्णांसाठी फायदेशीर ठरू शकतात. अँटिऑक्सिडंट्स, पोटॅशियम, ओमेगा-3 त्वचा आणि केस निरोगी ठेवतात. फायबर असल्यामुळे अक्रोड बद्धकोष्ठता दूर करते, पचनसंस्था निरोगी ठेवते. उच्च रक्तदाबाची समस्या असलेल्या लोकांसाठी अक्रोड हा एक चांगला पर्याय आहे, यामुळे हृदयविकाराचा धोका कमी होतो. (सूचना : येथे दिलेली माहिती सामान्य वैद्यकीय माहितीवर आधारित आहे. न्यूज 18 लोकमत त्याची हमी देत नाही.)

• Follow us on