Health Insurance घेताना या गोष्टी नक्की तपासा, नाहीतर पॉलिसी असून मिळणार नाही पैसे

मुंबई, 21 ऑगस्ट : जेव्हा तुम्ही तरुण असता तेव्हा आपल्याला वाटतं की आरोग्य विम्याची (Health Insurance) खरी गरज वृद्धांना आहे. मात्र, गेल्या दोन वर्षात कोरोना संसर्गाने याची किती गरज आहे, याची जाणीव सर्वांनाच करुन दिली आहे. आजच्या धकाधकीच्या जीवनात आरोग्याची काळजी घेण्यासाठी कोणाकडे वेळ नाही, अशा वेळी आरोग्य विमा तुम्हाला खूप मदत करू शकतो. दिवसेंदिवस ज्या प्रकारे नवनवीन आजार येत आहेत आणि ज्या दराने हॉस्पिटलची बिले वाढत आहेत, त्या पाहता आरोग्य विमा अत्यंत महत्त्वाचा आहे. अशा परिस्थितीत चांगली आरोग्य विमा योजना असणे नितांत गरजेचे आहे. प्रत्येक वयासाठी आरोग्य विमा आवश्यक तुमचे वय कितीही असले तरी लवकरात लवकर आरोग्य विमा (Health Insurance) घ्या. वास्तविक, पॉलिसी खरेदी करण्यासाठी तुम्हाला किती पैसे द्यावे लागतील, ते तुमच्या वयावर अवलंबून असते. जसजसे तुमचे वय वाढत जाईल तसतसे तुम्हाला विमा संरक्षणासाठी अधिक पैसे द्यावे लागतील. वाढत्या वयानुसार, एखादी व्यक्ती अशा अनेक आजारांमध्ये अडकते, ज्याचा पॉलिसीमध्ये अंतर्भाव नसतो. अशा परिस्थितीत, तुम्ही आरोग्य विमा लवकर घेतल्यास तुमची वैद्यकीय तपासणी करण्याच्या कटकटीतून सुटका होईल. जर तुमचा कौटुंबिक इतिहास असेल, तर काही जीवनशैलीचे आजार पुढच्या पिढीत जाण्याचा धोका वाढतो. आरोग्य विमा पॉलिसी घेतल्याने अशा परिस्थितीत मदत होते. आरोग्य विमा प्रीमियम आरोग्य विम्याच्या प्रीमियमचा विचार करणे देखील खूप महत्वाचे आहे. कमी प्रीमियमच्या आमिषाने अशी पॉलिसी कधीही घेऊ नये, ज्यामध्ये अनेक प्रकारच्या अटी असतील आणि नंतर तुम्हाला दावा मिळणे कठीण होईल. बोनस आणि सवलती देखील विचारात घेतल्या पाहिजेत. कोलेस्ट्रॉल कमी करण्यासाठी रुटीनमध्ये सामील करा या 4 सवयी, हृदयही राहील निरोगी आरोग्य विमा प्रतीक्षा कालावधी प्रत्येक पॉलिसी विशिष्ट रोगांच्या कव्हरेजसाठी एक निश्चित कालावधीचे पालन करते, ज्याला प्रतीक्षा कालावधी म्हणून ओळखले जाते. या वेळेआधी तुमच्या त्या वैद्यकीय परिस्थितींचा समावेश केला जाणार नाही. त्यामुळे पॉलिसी घेण्यापूर्वी त्याच्या अटी व शर्ती पूर्णपणे तपासा. लहान वयातच आरोग्य विमा योजना घेण्याचा फायदा असा आहे की वयानुसार जोखीम वाढते तेव्हा कोणते रोग कव्हर केले जातील आणि कोणते नाहीत याची काळजी करण्याची गरज नाही. आरोग्य विमा संरक्षण समजून घ्या तुमच्या आरोग्य विम्यामध्ये समाविष्ट असलेल्या सेवा आणि कोणत्याही आपत्कालीन परिस्थितीची खर्च समजून घेणे खूप महत्त्वाचे आहे. तुम्ही अपुरी किंवा मर्यादित आरोग्य विमा योजना निवडल्यास तुम्हाला खिशातून पैसे द्यावे लागतील. कोणत्याही अनपेक्षित खर्चापासून स्वतःचे रक्षण करण्यासाठी 25 लाख रुपयांपर्यंतच्या सर्वसमावेशक आरोग्य विमा पॉलिसीमध्ये गुंतवणूक करणे तरुणांसाठी शहाणपणाचे आहे. रोग आणि अपघात हृदयविकाराचा झटका, पक्षाघात, मधुमेह, उच्च रक्तदाब आणि अशा प्रकारच्या आजारांचा त्रास आता तरुणांनाही होत आहे, हे समजून घेणे महत्त्वाचे आहे. आजकाल रस्ते अपघात मोठ्या प्रमाणात होऊ लागले आहेत, त्यामुळे या सर्व गोष्टी तुमच्या पॉलिसीमध्ये समाविष्ट केल्या जात आहेत की नाही हे तपासा. अनेक विमा कंपन्या कोविडचा दावा भरण्यास नकार देतात. कोरोना विषाणूचे नवीन प्रकार पाहता, तुमच्या आरोग्य विम्यातही कोरोना कव्हर उपलब्ध असल्याची खात्री करा. हे देखील लक्षात घेतले पाहिजे की जीवनशैलीतील रोग किंवा गर्भधारणा यासारख्या परिस्थिती बहुतेक कंपन्यांमध्ये समाविष्ट नाहीत.

• Follow us on