)
जगभरातील लोक लठ्ठपणाच्या समस्येने त्रस्त आहेत. लठ्ठपणामुळे हृदयविकाराचा झटका आणि मधुमेहासारखे आजार बळावू शकतात. तेव्हा बडीशेप ही वजन कमी करण्यासाठी आणि शरीर डिटॉक्स ठेवण्यासाठी फायदेशीर ठरते. आयुर्वेदिक डॉक्टर नागेंद्र नारायण शर्मा यांच्या दाव्याने, स्वयंपाक घरात असलेल्या बडीशेपचे सेवन केल्याने वजन वाढण्यावर नियंत्रण ठेवता येते. तसेच वाढलेले वजनही कमी करता येते.
बडीशेपचे पाणी शरीराला आकार देण्यासाठी आणि वजन कमी करण्यासाठी प्रभावी आहे. आयुर्वेदिक डॉक्टर नागेंद्र नारायण शर्मा यांच्या म्हणण्यानुसार, बडीशेप फायबर, अँटिऑक्सिडंट्स आणि खनिजांचा समृद्ध स्रोत आहे, जी कॅलरी बर्न करण्यास मदत करते. पचन आणि चयापचय बरोबर ठेवण्यासाठी देखील बडीशेप उपयुक्त आहे, ज्यामुळे शरीराची पचनक्रिया सुरळीत राहते आणि अन्नातील पोषक तत्वे शरीराला मिळतात. डॉ. नागेंद्र यांनी सांगितले की बडीशेप हे नैसर्गिक डिटॉक्सिफायर आहे. यामुळेच याचे अनेकदा जेवणानंतर लगेच सेवन केले जाते. हे तुमच्या शरीरातील विविध विषारी द्रव्ये बाहेर काढून टाकण्यासोबतच पचनसंस्था मजबूत करते. उन्हाळ्यात बडीशेपच्या पाण्याचे सेवन केल्यास पचनक्रिया चांगली राहते. असे बनवा बडीशेपचे पाणी : एक मोठा चमचा बडीशेप घेऊन ती एक ग्लास पाण्यात टाका. त्यात चिमूटभर हळद मिसळा आणि रात्रभर झाकून ठेवा. सकाळी ग्लासमधील पाणी बाहेर काढून ते उकळा आणि थंड झाल्यावर प्या.
+6
फोटो
