)
सध्या कडक उन्हामुळे अंगाची लाहीलाही होत आहे. अशा स्थितीत एसी हा सर्वप्रकारच्या उष्णतेपासून आराम देत असल्याने अनेकजण या दिवसात घरी एसी लावून घेतात. तर काहीजणांना एसी हवा असतो पण त्यांना वीज बिल वाढण्याची भीती असते. एसी लावला तर वीज बिल किती येईल हा प्रश्न अनेकांच्या मनात असतो. तेव्हा काही लोक स्वत:साठी सर्वोत्तम एसी घेण्याचा निर्णय घेऊ शकत नाहीत. अशा परिस्थितीत 1.5 टन एसी चालवल्यास किती वीज बिल येते ते जाणून घेऊयात. 1.5 टनाचा एसी बाजारात सर्वात जास्त विकला जातो. घरातील लहान, मध्यम आकाराची खोली किंवा हॉल चांगला थंड होण्यासाठी 1.5 टन एसी सर्वोत्तम मानला जातो. मात्र, 1.5 एसी बसवल्यानंतर वीज बिल किती येईल, हे अनेकांना माहीत नाही. तर इथे आम्ही तुम्हाला सांगणार आहोत की 1.5 टन एसी चालवण्यासाठी महिन्याभरात किती वीज खर्च होते आणि महिना अखेरीस तुम्हाला किती वीजबिल येऊ शकते. खरंतर एसीचे वीज बिल किती येईल हे एसीच्या विजेच्या वापरावर अवलंबून असते. 1 स्टार ते 5 स्टार रेटिंग असलेले एसी बाजारात उपलब्ध आहेत. 1 स्टार असलेला AC किमतीत स्वस्त आहे परंतु तो सर्वात जास्त उर्जा वापरतो, तर 5 स्टार असलेला AC तुलनेने वीज वाचवतो. तथापि, किमतीत स्वस्त असण्याव्यतिरिक्त, 3 स्टार एसी देखील वीज वाचवण्यात उपयोगी ठरतात.
तुम्हाला 5 स्टार रेटिंगसह 1.5 टन स्प्लिट एसी बसवायचा असेल, तर तो प्रति तास सुमारे 840 वॅट्स (0.8kWh) वीज वापरतो. जर तुम्ही दिवसातील सरासरी 8 तास एसी वापरत असाल तर यानुसार तुम्ही अशा दिवसात 6.4 युनिट वीज वापराल. जर तुमच्या ठिकाणी विजेचा दर 7.50 रुपये प्रति युनिट असेल, तर त्यानुसार एका दिवसात 48 रुपये आणि एका महिन्यात सुमारे 1500 रुपये बिल येईल. त्याच वेळी, 3 स्टार रेटिंगसह 1.5 टन एसी एका तासात 1104 वॅट (1.10 kWh) वीज वापरतो. जर तुम्ही ती 8 तास चालवली तर एका दिवसात 9 युनिट वीज वापरली जाईल. त्यानुसार एका दिवसात 67.5 रुपये आणि महिन्यात 2 हजार रुपये बिल येणार आहे. तुलना केल्यास 5 स्टार रेटिंग असलेल्या AC वर एका महिन्यात 500 रुपयांची बचत होऊ शकते. आता तुम्हाला 1.5 टन AC महिनाभर चालवायला किती खर्च येईल हे समजले असेल. तेव्हा तुम्ही तुमच्या बजेटनुसार 5 स्टार किंवा 3 स्टार एसी कोणाला घ्यायचे याचे नियोजन देखील करू शकाल. आम्ही तुम्हाला सांगतो की अनेक कंपन्या बाजारात ड्युअल इन्व्हर्टर एसी विकत आहेत जे कॉम्प्रेसरचा वेग कमी करून वीज वाचवतात. जर तुमचे बजेट चांगले असेल तर तुम्ही ड्युअल इन्व्हर्टर एसी खरेदी करू शकता.
+6
फोटो
