)
कैलाश कुमार बोकारो, 3 जुलै : झारखंड राज्यातील बोकारो येथील चास धर्मशाळा मोड येथे असलेली गणगौर स्वीट्स हे तोंडलीच्या मिठाईसाठी प्रसिद्ध आहे. इथे बनवलेली तोंडलीची मिठाई खूप खास आहे. ही मिठाई खरेदी करण्यासाठी लांबून लोक येतात. तोंडली मिठाईमध्ये खवा भरला जातो, नंतर संपूर्ण तोंडली साखरेच्या पाकात बुडवले जाते. म्हणून या मिठाईला तोंडली मिठाई असे नाव पडले. लोक मोठ्या आवडीने ही मिठाई खातात. दुकान मालक अमित यांनी लोकल 18 ला सांगितले की, त्यांच्या दुकानात गेल्या 25 वर्षांपासून तोंडली मिठाई बनवली जात आहे. त्यांचे वडील विनोद प्रसाद चौधरी यांनी हे दुकान सुरू केले होते. आता अमित हे दुकान चालवत आहे. या मिठाई व्यतिरिक्त इतर 25 प्रकारच्या मिठाई या दुकानात उपलब्ध असल्याचे त्यांनी सांगितले. पण तोंडलीच्या मिठाईला विशेष मागणी असते. लोकांना ती खूप आवडत आहे, असेही त्यांनी सांगितले.
तोंडली मिठाई बनवण्याच्या प्रक्रियेबाबत अमितने सांगितले की, सर्वात चांगल्या दर्जाची तोंडली बाजारातून खरेदी केली जाते. नंतर तिला चांगले सोलून मध्यभागी कापले जाते. चमच्याच्या मदतीने तोंडलीचा काही भाग बाहेर काढून वेगळा केला जातो. यानंतर तोंडली गरम पाण्यात उकळून साखरेच्या पाकात बुडवले जाते. मग त्यात खवा भरला जातो. अशा प्रकारे तोंडली मिठाई तयार केली जाते.
अमितने सांगितले की, तोंडली मिठाई 21 रुपये प्रति नग आहे. ते खाण्यासोबतच लोक घरातील किंवा नातेवाईकांसाठीही पॅक करून घेऊन जातात. त्यांचे दुकान दररोज सकाळी 08:00 ते रात्री 09:30 पर्यंत सुरू असते. तर दुकानात तोंडली मिठाई आस्वाद घेत असलेले ग्राहक सौरभ कुमार यांनी सांगितले की, या दुकानातील मिठाई खूपच वेगळी आहे. मी ती खूप आवडीने खातो. तसेच ती फार कमी ठिकाणी उपलब्ध आहे, अशी प्रतिक्रियाही त्यांनी दिली.
+6
फोटो
