धावपळीत मेकअप करायला वेळ नसतो ना तेव्हा ह्या ब्युटी ट्रीक वापरा; लगेच व्हाल तयार

नवी दिल्ली, 20 ऑक्टोबर : ऑफिसला जाणाऱ्या महिला असोत किंवा गृहिणी, दोघींनाही कामाच्या गडबडीत स्वत:कडं पाहायला वेळ मिळणं अवघड झालं आहे. धावपळीच्या आयुष्यात स्वतःच्या सुंदरतेसाठी वेळ मिळत नाही आणि मेकअपची (Makeup) सर्व साधने असूनही त्यांना स्वतःला मेकअपपासून दूर राहावं लागतं. परंतु, जर तुम्ही तुमची जीवनशैली थोडी अधिक व्यवस्थित केली आणि स्वतःसाठी दोन मिनिटे काढली तर सर्व व्यग्रता असूनही तुम्ही स्वतःच्या मेकअपसाठी वेळ काढू शकता. तर आज आपण जाणून घेऊया की, तुम्ही फक्त 5 मिनिटात कसे तयार होऊ (How To Get Ready In Few Minutes ) शकता. यासाठी तुम्हाला फक्त 5 ब्युटी हॅक्सची मदत घ्यावी लागेल. फास्ट तयार होण्यासाठी ब्युटी हॅक्स 1. हे काम रात्री करा जेव्हाही तुम्ही रात्री झोपायला जाल तेव्हा तुमच्या रात्रीच्या दिनक्रमात त्वचेची काळजी घेण्यासाठी थोडा वेळ काढा.  झोपायच्या आधी फेस वॉशने चेहरा स्वच्छ करा आणि गुलाब पाणी किंवा नाईट क्रीम लावून झोपा. यामुळे तुमचा चेहरा सकाळी खूप ताजातवाना दिसेल. यामुळे सकाळी तुमची धावपळ जरी झाली तरी फक्त काजळ आणि लिप ग्लॉस लावूनही तुम्ही सुंदर दिसाल. 2. बीबी किंवा सीसी क्रीम वापरा हेवी फाउंडेशन आणि कन्सीलर लावायला आणि त्यांना सेटल होण्यासाठी वेळ लागतो. अशा परिस्थितीत सकाळी आपल्या मॉइश्चरायझरसह बीबी किंवा सीसी क्रीम वापरा. यामुळे तुमच्या चेहऱ्यावर चमक येईल आणि तुमची त्वचा स्वच्छ दिसेल. हे वाचा - ऑक्टोबरमध्येही अनेक राज्यांत का पडतोय पाऊस? वाचा. बदललेल्या चक्रामागचं वैज्ञानिक कारण 3. लिप ग्लॉस पुरेसा आहे आपल्याकडे वेळ नसल्यास आपण आपल्या पर्समध्ये लिप ग्लॉस ठेवणे आवश्यक आहे. वेळ मिळताच ओठांवर लावा. तुम्ही हलक्या हातांनी ते डोळ्यांवर पसरवू शकता. यामुळे तुम्ही मस्त दिसाल. 4. पायासाठी हे काम करा जेव्हाही तुम्ही रात्री झोपायला जाल तेव्हा चेहऱ्यावर तसेच पायांवर क्रीम लावा. जर ते फुटत असतील तर त्यांच्यावर व्हॅसलीन लावायला विसरू नका. हे वाचा - पांढराच का असतो विमानाचा रंग? जाणून घ्या त्यामागची वैज्ञानिक कारणं 5. अशा प्रकारे केसांना व्हॉल्यूम द्या केसांना शॅम्पू करण्यासाठी वेळ नसेल तर केसांच्या मुळांमध्ये टॅल्कम पावडर शिंपडा आणि केसांना ब्रश करा. तुमचे केस फुललेले दिसतील. रात्री केस धुल्यानंतर झोपणे चांगले होईल. (सूचना : या लेखात दिलेली माहिती सामान्य माहितीवर आधारित आहे. न्यूज 18 लोकमत त्याची हमी देत नाही.)