२० हजाराची नोकरी सोडून सुरु केला वडिलोपार्जित व्यवसाय, आता लस्सी विकून कमावतोय लाखो रुपये

बीकानेर, 26 मे :  सहसा लोक गायीच्या दुधापासून बनलेली लस्सी बनवून पितात आणि अनेक दुकानदार ती विकतात. पण बिकानेरच्या चाय पट्टीमध्ये एक तरुण अनेक वर्षांपासून म्हशीच्या दुधापासून बनवलेली लस्सी विकतो आणि यातून तो महिन्याला लाखो रुपये कमावतो. बिकानेरमध्ये ही लस्सी खूपच फेमस असून येथील  लस्सी प्यायला लांबून लोक येतात.

तरुण व्यावसायिक अमित आचार्य यांनी सांगितले की, पूर्वी तो एका कंपनीत काम करायचा जिथे त्याला महिन्याला 20 हजार रुपये मिळायचे, पण नंतर तो आपल्या वडिलोपार्जित कामात गुंतला आणि म्हशीच्या दुधापासून बनलेली लस्सी विकू लागला. यातून तो आता महिन्याला लाखो रुपये कमावत आहे. अमित देशी पद्धतीने लोकांना लस्सी विकत आहे. तो पहाटे 5.30 ते 11.30 या वेळेत चाय पट्टीत लस्सी विकतो.

अमित आचार्य सांगतात की, इथे दह्यापासून लस्सी बनवून लोकांसमोर सर्व्ह केली जाते, तसेच येथे त्यांना शुद्ध आणि चांगल्या दर्जाची लस्सी दिली जाते. अमित सांगतात की, "ते म्हशीचे दूध स्वतः काढतात. त्याच दुधापासून ते स्वतः दही बनवतात. दह्यामध्ये केशर घालून मंथन करून लस्सी बनवली जाते. सुमारे 5 मिनिटे मंथन केल्यानंतर, लस्सी तयार केली जाते आणि ग्राहकांना दिली जाते".

अमित आचार्य बनवत असलेल्या लस्सीची किंमत 30 ते 50 रुपये आहे. काचेच्या ग्लासमध्ये दिल्या जाणाऱ्या लस्सीची किंमत 30 रुपये आहे तर मातीच्या भांड्यात दिलया जाणाऱ्या लस्सीची किंमत 50 रुपये आहे. दररोज 30 ते 35 लिटर दुधापासून बनवलेली लस्सी अमित तयार करून विकतात. अमित वडिलांजवळ दुकानाबाहेर एका कट्ट्यावर बसून लस्सी बनवतो. दररोज 100 ते 150 लोक लस्सी प्यायला येतात.