पावसाळ्यात होणाऱ्या डेंग्यू तापापासून करा कुटुंबाचा बचाव; हे 5 उपाय आहेत फायदेशीर

नवी दिल्ली, 13 सप्टेंबर : तुम्हाला माहीतच आहे की पावसाळ्यामध्ये अनेक आजार बळावतात. डेंग्यू, मलेरिया आणि इतर आरोग्यविषयक समस्यांचा धोकाही या हंगामात वाढतो. दरवर्षी डेंग्यूचा प्रादुर्भाव अनेकांचा जीव घेतो. मोठ्या संख्येने डासांच्या आसपास असण्याव्यतिरिक्त कमकुवत रोगप्रतिकारक शक्ती असणे हे देखील डेंग्यू संसर्गाचे कारण आहे. डेंग्यूच्या सामान्य लक्षणांमध्ये शरीर दुखणे, उच्च ताप, थकवा, उलट्या होणे, हिरड्या किंवा नाकातून थोडा रक्तस्त्राव होणे आणि त्वचेवर पुरळ येणे यांचा समावेश होतो. अशा परिस्थितीत, स्वतःला डेंग्यूपासून वाचवण्यासाठी बाह्य संरक्षणासह अंतर्गत सुरक्षा देखील आवश्यक आहे. तुम्ही तुमच्या आहारात अशा काही गोष्टींचा समावेश करू शकता जे डेंग्यूच्या संसर्गापासून संरक्षण करण्यास मदत करतात.

भरपूर पाणी प्या -

तंदुरुस्त आणि निरोगी राहण्याबरोबरच संसर्ग टाळण्याचा सर्वात प्रभावी आणि सोपा मार्ग म्हणजे पाणी पिणे. संसर्गापासून स्वतःचे रक्षण करण्यासाठी दिवसभर भरपूर पाणी प्या. यामुळे, विषारी पदार्थ तुमच्या शरीरातून लघवीद्वारे बाहेर पडतात.

रोग प्रतिकारशक्ती वाढवणारे पेय-

तुम्ही सहजपणे प्रतिकारशक्ती वाढवणारे पेय घरी तयार करू शकता. 1 ग्लास दुधात थोडे पाणी, एक चिमूटभर हळद, 2-3 केशर आणि थोडे जायफळ मिसळा. चव वाढवण्यासाठी तुम्ही गूळ वापरू शकता. हे इम्यूनिटी बूस्टर ड्रिंक गरम किंवा थंड दोन्ही पद्धतीनं घेतल्यास हरकत नाही. हे शरीरातील प्रथिनांचे नुकसान टाळण्यास आणि जळजळ कमी करण्यासही मदत करते.

भाताची पेज - याला भाताची कांजी किंवा भाताची पेज असेही म्हणतात. या पेजमध्ये हिंग, काळे मीठ आणि तूप घालून तुम्ही ते घेऊ शकता. यामुळे भूक सुधारते आणि डिहायड्रेशनची समस्या दूर होते. याव्यतिरिक्त, पेज इलेक्ट्रोलाइट्स संतुलित करण्यात मदत करते.

हे वाचा - प्रेयसी घरी नसल्यानं दुसरीलाच बोलावलं; पण अचानक GF आल्यानं अर्धनग्न अवस्थेतच तरुणीला बाल्कनीत लटकवलं अन्..

गुलकंद - एक चमचा गुलकंद पचन सुधारण्यास, अशक्तपणा, आंबटपणा आणि मळमळ यासारख्या समस्या टाळण्यास मदत करते. जेवण करण्यापूर्वी तुम्ही त्याचे सेवन करू शकता. आरोग्याच्या दृष्टीने हे अनेक प्रकारे फायदेशीर आहे.

सुप्त बद्द कोनासन - हे आसन पायांच्या तळव्यांना एकत्र जोडून आणि पाठीवर झोपून केले जाते. हे आसन शरीरदुखी, मूत्रपिंड आणि प्रोस्टेट ग्रंथीच्या इतर अनेक समस्या दूर करण्यास मदत करते.