Home /News /explainer /

इलॉन मस्कचे 7 वर्षांपूर्वीचे रॉकेट चंद्रावर धडकणार! खगोलशास्त्रज्ञांनी केलं सावध

इलॉन मस्कचे 7 वर्षांपूर्वीचे रॉकेट चंद्रावर धडकणार! खगोलशास्त्रज्ञांनी केलं सावध

इलॉन मस्कने (Elon Musk) सात वर्षांपूर्वी अमेरिकेच्या डीप स्पेस क्लायमेट ऑब्झर्व्हेटरीला सुरक्षितपणे त्याच्या कक्षेत नेणारे रॉकेट प्रक्षेपित केले होते. आता हे रॉकेट मार्चमध्ये चंद्रावर (Moon) धडकणार आहे.

    न्यूयॉर्क, 28 जानेवारी : इलॉन मस्कच्या (Elon Musk) कंपनी स्पेस एक्सने 2015 मध्ये फाल्कन-9 रॉकेट लॉन्च केले होते. या वर्षी मार्चमध्ये ते चंद्रावर (Moon) धडकणार असल्याची माहिती मिळाली आहे. या रॉकेटचा जो भाग चंद्रावर धडकणार आहे तो फाल्कन-9 च्या दुसऱ्या टप्प्याचा भाग आहे. हे रॉकेट प्रक्षेपित करण्याचा उद्देश चंद्रावर पोहोचणे किंवा त्याच्याशी टक्कर घडवणे नव्हता. मात्र, योगायोगाने रॉकेट चंद्राच्या दिशेने जात असल्याने त्याच्याशी टक्कर होणार आहे. हा संघर्ष भारताच्या इस्रोच्या (ISRO) चांद्रयान 2 मोहिमेसाठी किंवा नासाच्या एलआरओसाठी उपयुक्त ठरू शकतो, असे तज्ज्ञांचे म्हणणे आहे. काय आहे यापाठीमागचं कारण? चला जाणून घेऊया. रॉकेटच्या प्रक्षेपणाचा उद्देश काय आहे? अंतराळात अमेरिकेची डीप स्पेस क्लायमेट ऑब्झर्व्हेटरी स्थापन करण्यासाठी हे रॉकेट सोडण्यात आले होते. डिलेव्हरीनंतर हे दोन टप्प्याचे रॉकेट अवकाशातच सोडण्यात आले. मात्र, पृथ्वीच्या वातावरणात परत जाण्यासाठी पुरेसे इंधन त्याच्याकडे नव्हते. ते पृथ्वीपासून इतके दूर होते की पृथ्वी किंवा चंद्राच्या गुरुत्वाकर्षणाच्या प्रभावापासून मुक्त होण्याइतकी उर्जा त्याच्याकडे नव्हती. कधी होणार टक्क? सेंटर ऑफ अॅस्ट्रोफिजिक्सच्या खगोलशास्त्रज्ञांनी स्पेसएक्सच्या या दोन टप्प्यातील रॉकेटची चंद्राशी टक्कर झाल्याची पुष्टी केली आहे. त्यानुसार ही टक्कर सामना 4 मार्च रोजी होणार आहे. ही घटना अजिबात आश्चर्यकारक नाही. कारण, या टक्करीची कोणतीही पूर्व योजना नव्हती, असे सांगण्यात येत आहे. या रॉकेटला अंतराळात मुक्त सोडण्यात आले होते. याबद्दल कशी माहिती मिळाली? खगोलशास्त्रज्ञांचे म्हणणे आहे की हे रॉकेट एकतर चंद्रावर धडकणार होते किंवा ते कधीतरी पृथ्वीच्या वातावरणात परत आले असते. याशिवाय ते सौर कक्षेत पडण्याचीही शक्यता होती. त्याची स्थिती बिल गॅरी यांनी शोधली होती, ज्याने पृथ्वीच्या जवळच्या ऑब्जेक्टचे निरीक्षण करण्यासाठी वापरलेले प्रोजेक्ट प्लूटो सॉफ्टवेअर वापरले होते. गुरुत्वाकर्षणाचा प्रभाव गॅरीने हे रॉकेट पाहिल्यानंतर खगोलशास्त्रज्ञांना त्याचे निरीक्षण करण्यासाठी सतर्क केले. डेटाच्या आधारे शास्त्रज्ञांचा असा विश्वास आहे की फाल्कन 9 चा वरचा टप्पा त्याच्या विषुववृत्ताजवळ चंद्रावर धडकणार आहे. पृथ्वी, चंद्र, सूर्य आणि इतर ग्रहांच्या गुरुत्वाकर्षणाचा या बॉडीवर काय परिणाम होतो हे गॅरीने मोजले आहे.
    Published by:Rahul Punde
    First published:

    Tags: Elon musk, Space Centre, Spacecraft

    पुढील बातम्या