Home /News /entertainment /

या महान मराठी लेखकाच्या नाटकांवर झाले अश्लीलतेचे आरोप, साहित्यक्षेत्रात उडाली होती खळबळ

या महान मराठी लेखकाच्या नाटकांवर झाले अश्लीलतेचे आरोप, साहित्यक्षेत्रात उडाली होती खळबळ

साहित्य क्षेत्रात अनेक बिरुदावल्या मिळवणारे लेखक विजय तेंडुलकर (Vijay Tendulkar) यांची आज पुण्यतिथी आहे. एकेकाळी त्यांच्या नाटकांनी समाजात खळबळ माजवली होती.

    मुंबई, 19 मे : विजय तेंडुलकर (Vijay Tendulkar) म्हणजे नाटककार, लघुकथा लेखक, कादंबरीकार, ललित निबंध लेखक, संपादक, अनुवादक, टॉक शो लेखक, स्क्रीन प्ले लेखक, स्तंभलेखक.. ही यादी संपतच नाही. इतकं अष्टपैलू व्यक्तीमत्व की शब्दही कमी वाटू लागतील. आज तेंडुलकरांची पुण्यातिथी. साहित्यविश्वात विजय तेंडुलकरांची लेखणी मोठ्या लेखकांची बोलती बंद करते. त्यांनी आपल्या लेखणीतून अशा रचना लिहिल्या ज्या सदैव अमर झाल्या. त्यांचे 'घाशीराम कोतवाल' हे नाटक सहा हजारांहून अधिक वेळा रंगमंचावर सादर केले गेले आहे. इतर कोणतेही भारतीय नाटक इतक्या वेळा पाहिले गेले नाही. त्यांनी लिहिलेली नाटके केवळ हिंदीतच अनुवादित झाली नाहीत, तर इतर अनेक भाषांमध्येही अनुवादित झाली. त्यांच्या कलाकृतींचा भारतीय नाट्यविश्वात नेहमीच आदर केला जाईल. त्यांच्या काही नाटकांवर उत्तम चित्रपटही बनले. हिंदीतील 'अर्ध सत्य', 'निशांत' आणि 'आक्रोश' ही त्याची उदाहरणे आहेत. मराठीत तर बरेच आहेत. भ्रष्टाचार, गरिबी, महिलांशी संबंधित प्रश्नांवर त्यांनी जोरदार लेखन केले. कालांतराने प्रत्येक साहित्यकृतीचे संदर्भ लोप पावतात. बदलत्या काळानुसार त्यांची प्रासंगिकता कमी-अधिक होत जाते. पण विजय तेंडुलकरांनी लिहिलेली नाटके आजच्या काळातही पूर्णपणे समर्पक आहेत. एकही शब्द न कापता. विजय तेंडुलकर हे एक अप्रतिम लेखणीकार होते ज्याची लेखणी काळाच्या बंधनातून मुक्त होती हे सिद्ध करण्यासाठी ही वस्तुस्थिती पुरेशी आहे. 6 जानेवारी 1928 रोजी जन्मलेल्या विजय तेंडुलकर यांचे 19 मे 2008 रोजी निधन झाले. टीव्ही सीरियल 'रजनी' मधून प्रसिद्ध झालेली अभिनेत्री प्रिया तेंडुलकर ही त्यांची मुलगी होती. प्रिया त्यांच्या आधी जग सोडून गेली. 2002 मध्ये. विजय तेंडुलकर यांना अनेक सन्मान मिळाले. श्याम बेनेगल यांच्या 'मंथन' चित्रपटाच्या स्क्रीन प्लेसाठी त्यांना राष्ट्रीय पुरस्कार मिळाला होता. भारत सरकारने 1984 मध्ये त्यांना पद्मभूषण देऊन गौरविले. RaanBaazaar Trailer : रानबाजार नाही तर 'हे' होतं वेब सीरिजचं नाव, दिग्दर्शकांनी केला खुलासा त्यांनी आपल्या आयुष्यात 27 नाटके आणि 25 एकांकिका लिहल्या. यापैकी अनेकांना आज क्लासिकचा दर्जा प्राप्त आहे. याशिवाय 2 कादंबर्‍या, 5 कथासंग्रह, 16 बालनाटके, 5 वाङ्मयीन निबंध आणि 1 आत्मचरित्र हा त्यांचा साहित्यिक वारसा आहे. अनेक कलाकृती वादत तेंडुलकरांचे सखाराम बाईंडर नाटक रंगमंचावर सादर झाल्यानंतर त्याकाळी मोठा वाद निर्माण झाला होता. हे नाटक अश्लील आहे, या नाटकामुळे भारतीय विवाह संस्था धोक्यात आली आहे. हे नाटक भारतीय संस्कृतीला काळीमा फासणारे आहे, असे आरोप या नाटकाचा पहिला प्रयोग झाल्यानंतर होऊ लागला. या नाटकावर सेन्सॉरने बंदी घातली. डायरेक्टर न्यायालयात गेले. आठ महिन्यांच्या प्रदीर्घ लढाईनंतर केस जिंकली. पुन्हा सुरू होण्याची शक्यता लक्षात येताच काही नेत्यांनी गुंडगिरी करत त्याचे स्टेज थांबवले. अखेर बाळासाहेब ठाकरे यांचे मन वळवून याचे प्रयोग पुन्हा सुरू झाले. घाशीराम कोतवाल घाशीराम कोतवाल हे विजय तेंडुलकर यांनी पेशवाईच्या काळात पुण्याचा कोतवाल राहिलेल्या घाशीराम कोतवाल या व्यक्तिरेखेवर आधारित मराठी नाटक लिहिले. 16 डिसेंबर 1972 मध्ये जब्बार पटेल दिग्दर्शित घाशीराम कोतवाल या नाटकाचा पहिला प्रयोग झाला आणि पाहता पाहता संपूर्ण महाराष्ट्र घाशीराममय झाला. या नाटकाचे नृत्य दिग्दर्शन कृष्णदेव मुळगुंद तर संगीत दिग्दर्शन भास्कर चंदावरकर यांनी केले होते. या नाटकात नाना फडणवीस याच्या चारित्र्यावर चिखलफेक केली आहे म्हणून तत्कालीन ब्राह्मणांनी या नाटकाच्या विरोधात आवाज उठवला होता. नंतर हे कथानक काल्पनिक आहे अशी टिपणी या नाटकाच्या शेवटी टाकण्यात आली होती तरीदेखील हा वाद थांबला नव्हता.
    Published by:Rahul Punde
    First published:

    Tags: Stage play

    पुढील बातम्या