तुझ्यात जीव रंगला: वहिनीसाहेब परत येतायत; चालतंय का?

तुझ्यात जीव रंगला या मालिकेत आत्तापर्यंत प्रेक्षकांनी अनेक ट्विस्ट बघितले. मालिकेत गेल्या काही दिवसांपासून गायब झालेल्या वहिनीसाहेब आता कमबॅक करणार आहेत.

अभिनेत्री म्हणजे धनश्री काडगावकर ( Dhanashri Kadgaonkar ) म्हणजे तुझ्यात जीव रंगला मालिकेतली नंदिता वहिनी पुन्हा एकदा मालिकेत झळकणार आहे.यावेळी तिच्यासोबत तिचा नवरा म्हणजे सुरजही परत येतो असं दाखवण्यात येणार आहे.

कट- कारस्थानं करणाऱ्या नंदिता वहिनीला राणा दा आणि गोदाक्का परत घरी घेणार का हे प्रेक्षकांना मालिकेत पाहता येईल.

तुझ्यात जीव रंगला ही मालिका अगदी कमी काळातच प्रेक्षकांच्या पसंतीस उतरली होती. या मालिकेतील ”चालतंय की” हा राणादाच्या तोंडी असलेला संवादही हिट झाला होता.

अक्षरा देवधर आणि हार्दिक जोशी ही फ्रेश जोडी या मालिकेत झळकली होती. मालिकेचं शीर्षक गीतही प्रेक्षकांना प्रचंड आवडलं होतं.

4 वर्षांपासून या मालिकेनं प्रेक्षकांचं मनोरंजन केलं आहे. आता ही मालिका प्रेक्षकांचा निरोप घेणार आहे. तुझ्यात जीव रंगला मालिकेच्या वेळेत ‘कारभारी लई भारी’ ही मालिका प्रेक्षकांचं मनोरंजन करण्यासाठी येत आहे.