'कृष्णदासी'फेम अभिनेत्रीची पोलिसात तक्रार, धर्मांतरणासाठी पती मारहाण करत असल्याचा आरोप

मुंबई, 9 जानेवारी : टीवी अभिनेत्री प्रिटी तलरेजाने (Preity Talreja) नवरा अभिजित पेटकर (Abhijit Petkar) विरोधात पोलिसात तक्रार (police complaint) दाखल केली आहे. प्रिटीने पतीवर मारहाण आणि सोबतच धर्मांतरणासाठी बळजबरी, शारीरिक आणि मानसिक शोषणाचा आरोपही केला आहे. प्रीटीने सोशल मीडियावर (social media) तिच्यावर झालेली कौटुंबिक हिंसा आणि मारहाणीचाही उल्लेख केला आहे. प्रिटीचा असा आरोप आहे, की तिने याआधीही पोलिसांकडे तक्रार केली होती. पण पोलिसांनी उदासीन धोरण स्वीकारत कुठलीच कारवाई केली नाही. यानंतर तिने मुख्यमंत्री उद्धव ठाकरे यांच्यासह पीएमओंना (PMO) टॅग करत झालेल्या अत्याचाराबाबतचा तपशील मांडला.

प्रिटीच्या तक्रारीनंतर पोलिसांनी आता खडकपाडा पोलीस स्थानकात केस दाखल केली आहे. प्रिटी तलरेजाने सोशल मीडियावर काही फोटो पोस्ट केले आहेत.  यात चेहऱ्यावर मारहाण केल्याच्या खुणा स्पष्ट दिसतात. इतकंच नाही, तिने याबाबत अनेक गोष्टीही तपशीलवार लिहिल्या आहेत. प्रिटी तलरेजाच्या पतीविरुद्ध खडकपाडा कल्याण पोलिसांनी दाखल केलेल्या तक्रारीची प्रत सुनैना होले यांनी सोशल मीडियावर शेअर केली आहे.

UPDATE ON @preitytalreja's CASE:

FIR has been filed against Abhijeet Petkar (Converted to Islam) last evening at Khadakpada Police Station, Kalyan. Thanks to @Dev_Fadnavis Dada & @KiritSomaiya Bhai for all the support 🙏 pic.twitter.com/EAqpt0HXwo — Sunaina Holey (@SunainaHoley) January 6, 2021

प्रिटीने अभिजित पेटकर या जिम चालकासोबत 3 वर्षांपूर्वी लग्न केलं होतं. आपल्या पोस्ट्समध्ये प्रिटीने सांगितलं आहे की, अभिजित मुस्लिम असून त्या दोघांनी निकाह केला आहे. मुस्लिम लॉअंतर्गत त्यांना मस्जिदकडून सर्टिफिकेट मिळालं नाही. आता अभिजित धर्म बदलण्यावरून प्रिटी यांना सतत मारहाण आणि जबरदस्ती करत असतो.

Respected cm sir I have filed a complaint against My husband who has cheated me in the name of love and used me and arranged a fake muslim marriage to convince me that I am his wife officially I have been mentally and physically tortured @CMOMaharashtra @OfficeofUT

— Preity talreja (@preitytalreja) January 1, 2021

या अभिनेत्रीनं आपल्या पोस्टमध्ये लिहिलं आहे, की पती लीगल डॉक्युमेंट्समध्येही त्याचं नाव अभिजित पेटकर असंच लिहितो. तो प्रेमाच्या नावाखाली तिला कायमच फसवतो आहे.