Khatron ke Khiladi 12: टास्कदरम्यान टीव्ही अभिनेत्री गंभीर जखमी; शरीरावरील जखमा पाहून चाहते चिंतेत

मुंबई, 16 जून-  सध्या 'खतरों के खिलाडी 12'  (Fear Factor: Khatron Ke Khiladi 12) ची जोरदार चर्चा आहे.आपले आवडते कलाकार जबरदस्त स्टंट करताना दिसणार हे पाहण्यासाठी प्रेक्षक उत्सुक आहेत. नुकतंच या सीजनच्या स्पर्धकांची झलक सर्वांसमोर आली आहे. हे सर्व स्पर्धक सध्या दक्षिण आफ्रिकेतील केपटाऊन याठिकाणी शूटिंग करत आहेत. यामध्ये टिव्हीवरील प्रसिद्ध अभिनेत्री  (TV Actress)  कनिका मानसुद्धा   (Kanika Mann)  आहे. मात्र एका टास्कदरम्यान अभिनेत्रीला प्रचंड त्रास वेदना सहन कराव्या लागल्या. ज्याचा फोटो सध्या सोशल मीडियावर व्हायरल होत आहे. प्रसिद्ध सेलेब्रेटी फोटोग्राफर विरल भयानीने त्याच्या इन्स्टाग्राम अकाउंटवरून हा फोटो शेअर केला आहे. त्याने सोशल मीडियावर फोटो शेअर करत कॅप्शनमध्ये लिहिलंय, 'कनिका मानचा धक्कादायक फोटो.' कनिकाच्या दुखापतीच्या खुणा पाहून लोक तिला 'डेंजरस खिलाडी' म्हणत आहेत. मोठ्या अभिमानाने ती आपली जखम दाखवत आहेत'.अभिनेत्रीचा हा फोटो समोर येताच चाहत्यांना धक्का बसला आहे. मात्र अभिनेत्री अगदी धाडसाने या जखमा सहन करत एक गोड स्मित हास्य देताना दिसून येत आहे.

View this post on Instagram

A post shared by Viral Bhayani (@viralbhayani)

या व्हायरल फोटोमध्ये अभिनेत्रींच्या चेहऱ्यावर एक समाधानकारक हास्य आहे. त्यावरून असा अंदाज बांधला जात आहे की, अभिनेत्री टास्कमधील तिच्या परफॉर्मन्सवर ती प्रचंड खूश आहे. नेटकरी तिच्या धाडसाचं कौतुक करत आहेत. विशेष म्हणजे या स्टंट शोमध्ये सहभागी होण्यापूर्वी ती आजारी होती. अभिनेत्रीची ही दुखापती पाहून ती खरी खेळाडू असल्याचं चाहते म्हणत आहेत. मात्र अनेकांना तिच्या तब्येतीची काळजी वाटत आहे. अभिनेत्रीचा हा फोटो सध्या चांगलाच चर्चेत आहे. (हे वाचा:अभिनेता करणवीर बोहरावर गुन्हा दाखल, महिलेकडून गंभीर आरोप) मीडिया रिपोर्ट्सनुसार, 'कनिकाला वाटतं की 'प्रयत्न न करणं' ही तिची सर्वात मोठी भीती आहे. ती म्हणते, 'मी एक अशी व्यक्ती आहे की जिला नेहमीच आपलं सर्वोत्तम देणं आवडतं. यामुळे मला एक व्यक्ती म्हणून प्रचंड आनंद होतो.'' ती पुढे म्हणते की 'खतरों के खिलाडी 12' मध्ये तिला वेगवेगळे स्टंट करताना पाहण्यासाठी तिचे मित्र आणि कुटुंबीय उत्सुक आहेत.