)
मुंबई, 7 एप्रिल- झी मराठी वाहिनीवर तुझ्या माझ्या संसाराला आणि काय हवं (Tuzhya Mazhya Sansarala Aani Kay Hava) ही नवी मालिका काही दिवसापूर्वी सुरू झाली आहे. या मालिकेत हार्दिक जोशी आणि अमृता पवार या कलाकारांच्या प्रमुख भूमिका आहेत. अमृता पवारचा (Amruta Pawar) नुकताच साखरपुडा झाला आहे. साखरपुड्यानंतर पहिल्यांदाच आज अमृताने होणाऱ्या नवऱ्यासाठी रोमॅंटिक पोस्ट लिहिली आहे. सोबत त्याच्यासोबत फोटो देखील शेअर केला आहे. अमृता पवारच्या होणाऱ्या नवऱ्याचे नाव नील पाटील (Neel Patil) असं आहे. नील हा बायोमेडिकल इंजीनियर आहे. साखरपुड्यानंतर पहिल्यांदाच अमृताने नवऱ्यासाठी खास पोस्ट लिहिली आहे. तिनं म्हटलं आहे की, माझा माणूस…..आयुष्यभरासाठी…तिच्या या पोस्टवर चाहत्यांकडून शुभेच्छांचा पाऊस पडत आहे. अनेकांनी छान जोडी, क्यूट जोडी असं देखील म्हटलं आहे. वाचा- PHOTOS -नादखुळा ट्रान्सफॉर्मेशन! रिचा चड्ढाच्या फोटोंनी वेधलं लक्ष! अमृतानं 4 एप्रिल रोजी तिच्या इन्स्टा स्टोरील साखऱपुड्याचे **(Amruta Pawar engagement ceremony)**फोटो ठेवत सर्वांना सुखद धक्का दिला होता. तेव्हा तिच्या साखपुड्याचे काही फोटो देखील व्हायरल झाले होते. तेव्हापासून तिच्यावर शुभेच्छांचा वर्षाव सुरू आहे. अमृता सोशल मीडियावर देखील प्रचंड सक्रीय असते. तिचे विविध फोटो आणि व्हिडिओ ती शेअर करत असते. सध्या तुझ्या माझ्या संसाराला आणि काय हवं ही मालिका एका वेगळ्या वळणावर आहे. वाचा- ‘मुलगी झाली हो’ मालिका बंद होणार? अखेर ‘स्टार प्रवाह’ने केला खुलासा अमृताने शालेय शिक्षण मुंबईतील पार्ले टिळक विद्यालय विलेपार्ले येथून पूर्ण केले. आर.ए. पोद्दार कॉलेज ऑफ कॉमर्स अॅण्ड इकॉनॉमिक्स कॉलेजमधीन पदवीचे शिक्षण घेतेले. अमृता अभिनय क्षेत्रात येण्यापूर्वी सीए अंतर्गत लेखापाल म्हणून काम करत होती.
यानंतर तिनं अभिनेत्री म्हणून आपल्या कारकीर्दीची सुरुवात दुहेरी या मराठी मालिकेतून केली. यानंतर तिनं ये रे ये रे या डान्स शो मध्ये भाग घेतला. त्याच वर्षी तिने स्वराज्य जननी जिजामाता या ऐतिहासिक मालिकेत जिजामातांची भूमिका साकारली.
+6
फोटो
