दिशा वकानीचा जन्म- 'तारक मेहता का उल्टा चश्मा' मालिकेत वर्षानुवर्षे सर्वांना खळखळून हसवणारी दयाबेन अर्थातच दिशा वकानी मूळची गुजरातची आहे. गुजरातमधील भावनगरमध्ये तिचा जन्म झाला होता . तिचं बालपण याचठिकाणी गेलं. दिशाने मालिकेतसुद्धा गुजरातीच भूमिका साकारली होती. दिशा वकानी ग्रॅज्युएट आहे. तिनं अभियाचे धडे गिरवले आहेत. तिचं कॉलेज अहमदाबादमध्ये पूर्ण झालं आहे. त्यांनतर दिशाने अभिनय करण्यास सुरुवात केली होती. दिशाने आपल्या अभिनयाची सुरुवात गुजराती चित्रपटांमधून केली होती. त्यांनतर ती हिंदी मालिकांकडे वळली. आज तिला कोणत्याही ओळखीची गरज नाही. या मालिकेमुळे ती आज यशाच्या शिखरावर पोहोचली आहे. (हे वाचा:दबंग गर्ल' सोनाक्षी सिन्हा कधी करणार लग्न? अभिनेत्रीने स्वतः केला खुलासा) 'तारक मेहता का उल्टा चश्मा' मधून ब्रेक- दिशा वकानी २०१८ पासून मालिकेत दिसलेली नाही. दिशाने आपल्या प्रेग्नेंसीमुळे मालिकेतून ब्रेक घेतला होता. परंतु त्यानंतरसुद्धा ती मालिकेत परतली नाही. त्यामुळे चाहते नाराज आहेत. असं म्हटलं जातं की मानधन आणि शूटिंगची वेळ या मुद्द्यांवरून दिशा आणि निर्मात्यांमध्ये एकमत होत नाहीय त्यामुळे ती मालिकेत परतलेली नाहीय. परंतु तिच्या जागी दुसरी कोणतीही अभिनेत्री आलेली नाही. त्यामुळे दिशा वकानीच परत येणार अशी चाहत्यांना अपेक्षा आहे. शिवाय दिशा वकानीला मालिकेत परत आणावं यासाठी चाहते सतत निर्मात्यांना सोशल मीडियावरून आवाहन करत असतात.View this post on Instagram
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.