Ratris Khel Chale… शेवंता आली आता वच्छीची सून शोभा कधी येणार?

रात्रीस खेळ चाले (Ratris Khel Chale) या सुपरहिट मालिकेच्या दुसऱ्या पर्वात शोभा ही व्यक्तिरेखा साकारणाऱ्या अभिनेत्री मंगल राणेचा (Mangal Rane) आज वाढदिवस आहे.

वाढदिवसाच्या निमित्तानं संपूर्ण महाराष्ट्रातील चाहत्यांनी तिच्यावर शुभेच्छांचा वर्षाव केला आहे.

रात्रीस खेळ चाले ही छोट्या पडद्यावरील सध्याच्या सर्वाधिक लोकप्रिय मालिकांपैकी एक म्हणून चर्चेत असते. या मालिकेचं सध्या तीसरं पर्व सुरु आहे.

मात्र या सीझनमध्ये वच्छीची सून शोभाची एण्ट्री अद्याप झालेली नाही.

खरं तर दुसऱ्या सीझनमध्ये शोभाचा मृत्यू झाला होता पण त्या सीझनमधील काही कलाकार अतृप्त आत्म्यांच्या रुपात तीसऱ्या झीनमध्ये झळकताना दिसत आहेत.

त्यामुळं शोभाची एण्ट्री कधी होणार हे पाहण्यासाठी चाहते उत्सुक आहेत.

दरम्यान मंगल मालिकेत सक्रिय नसली तरी ती रंगभूमीवर मात्र काम करत आहे. अनेक प्रायोगिक रंगभूमीवर काम करुन सध्या ती अभिनयाचं शास्त्रशुद्ध शिक्षण घेत आहे.

मंगलंनं गाव गाता गजाली आणि अनेक पारितोषिक पटकावणाऱ्या 'रेडू' या चित्रपटातही महत्वाच्या भूमिका साकारल्या आहेत.

रुपेरी पडद्यावर गांवढळ रुपात झळकणारी मंगल खऱ्या आयुष्यात मात्र खुपच मॉर्डन आहे. सोशल मीडियाद्वारे ती कायम आपल्या चाहत्यांच्या संपर्कात असते.

सोशल मीडियावरील तिचे फोटो पाहून नक्की ही तिच शोभा आहे का? असा प्रश्न वारंवार तिचे चाहते विचारताना दिसतात.