'खिलाडी मॅन' अक्षयच्या लग्नाला झाली 20 वर्षं, बायको ट्विंकलसाठी लिहली इमोशनल पोस्ट

'खिलाडी मॅन' अक्षयच्या लग्नाला झाली 20 वर्षं, बायको ट्विंकलसाठी लिहली इमोशनल पोस्ट

अक्षय कुमार म्हणजे बॉलिवुडमधला लोकप्रिय अभिनेता. त्यानं पत्नीबाबतच्या भावना व्यक्त करण्यासाठी लिहलेली पोस्ट सध्या व्हायरल होते आहे.

  • Share this:

मुंबई, 18 जानेवारी : बॉलिवूडमध्ये (Bollywood) अनेक सेलिब्रिटी जोड्या (celebrity couples) आहेत. त्यांच्यातील नात्याचं कायमच अनेकांना कौतुक असतं. त्यापैकीच एक म्हणजे अक्षय कुमार आणि ट्विंकल खन्ना (Akshay Kumar and Twinkle khanna).

अक्षय आणि ट्विंकलच्या लग्नाला तब्बल 20 वर्ष पूर्ण झाली आहेत. यानिमित्तानं अक्षयनं ट्विंकलसोबत एक सुरेख फोटो इन्स्टाग्रामवर (Instagram) शेअर केला आहे. यासोबत एक तितकाच सुंदर संदेशही त्यानं लिहिला आहे.

View this post on Instagram

A post shared by Akshay Kumar (@akshaykumar)

अक्षयनं ट्विंकलसोबत घेतलेली एक सेल्फी शेअर केली आहे. यात ट्विंकल अक्षयच्या खांद्यावर आपलं डोकं ठेऊन स्मितहास्य करते आहे. अक्षयनं पांढरा शर्ट तर ट्विंकलनं निळा कुर्ता घातला आहे. हा फोटो चाहत्यांना खूपच आवडला असून त्यावर लाईक्ससह कमेंट्सचाही पाऊस पडतो आहे.

अक्षयनं सेल्फी शेअर करताना लिहिलं, की आपल्या पार्टनरशिपला आता 20 वर्ष पूर्ण झाली आहेत. मला माहीत आहे, तू माझ्यापेक्षा जास्त स्मार्ट आहेस. आपण एकदुसऱ्याला कधीच परिपूर्ण बनवत नाही. पण एकमेकांना सोबत करण्याचा मात्र पूर्ण प्रयत्न करतो. अक्षय पुढे लिहितो, की लग्नाच्या इतक्या वर्षांनंतरही तुला पाहून माझं हृदय तितक्याच वेगानं धडधडू लागतं. तू नेहमीच माझ्या काळजात राहतेस. लव यू टीना.'

ट्विंकल आणि अक्षयला मुलगा आरव आणि मुलगी नितारा अशी दोन गोड अपत्यं आहेत. अक्षयनं अनेकदा सांगितलं आहे, की मी बघताक्षणीच ट्विंकलच्या प्रेमात पडलो होतो.

Published by: News18 Desk
First published: January 18, 2021, 7:42 AM IST

ताज्या बातम्या