)
मुंबई, 16 एप्रिल- ‘इंडियन आयडॉल 12’ (Indian Idol 12) ची सेकंड रनर अप सायली कांबळे (Sayali Kamble) 24 एप्रिलला लग्नबंधनात (Wedding) अडकणार आहे. गेल्या वर्षी 19 डिसेंबर रोजी तिचा प्रियकर धवलसोबत (Dhawal) तिने साखरपुडा उरकला होता. आणि आता हे दोघे लवकरच लग्न करणार आहेत. लग्नापूर्वी सायली आणि धवलने प्री-वेडिंग फोटोशूटही केले आहे. जे तिने तिच्या सोशल मीडिया अकाउंटवरून चाहत्यांसोबत शेअर केले आहे. इतकंच नव्हे तर अलीकडेच एका मुलाखतीत सायलीने आपल्या लग्नाची सर्व तयारी पूर्ण झाल्याचा खुलासा करत लग्नाची तारीख सांगितली होती. सायली कांबळेने प्री-वेडिंग फोटोशूट दरम्यानचा एक BTS व्हिडीओ आपल्या इन्स्टाग्राम अकाउंटवर शेअर केला आहे. या व्हिडीओमध्ये सायली धवलसोबत दिसत असून वेगवेगळ्या ठिकाणी त्यांचे फोटोशूट केलं जात आहे. यामध्ये दोघांची जोडी खूपच क्यूट दिसत आहे. हे शेअर करत सायलीने लिहिलंय, “धवल X सायली. बिहाईंड द सीन, प्री वेडिंग शूट.” सायली कांबळेने याआधी, साडीतील स्वतःचे काही फोटो देखील शेअर केले होते हे फोटो सायलीच्या मांडव स्थापनेचे होते.सायलीच्या दारी मांडव सजला आहे. इन्स्टाग्रामवर तिचे चाहते तिचं अभिनंदन करत आहेत. सायलीने नुकत्याच दिलेल्या एका मुलाखतीत सांगितले की, तिच्या प्रोफेशनल कमिटमेन्टमुळे तिने आणि तिच्या कुटुंबाने आधीच सर्व तयारी पूर्ण केली होती.
इतकंच नव्हे सायली कांबळेने तिच्या हनिमून प्लॅनबद्दल खुलासा केला. ती म्हणाली की ती ‘सुपरस्टार सिंगर सीझन 2’ मध्ये व्यग्र असल्याने तिच्या हनिमूनच्या प्लॅनिंगला उशीर होईल. सायली म्हणाली की, धवल आणि सासू तिच्या करिअरला खूप सपोर्ट करतात आणि तिला तिच्या कामावर लक्ष केंद्रित करण्यास मदत करतात.इंडियन आयडॉल १२ मुळे सायली कांबळे प्रचंड चर्चेत आली होती. या शोमध्ये तिला प्रचंड लोकप्रियता मिळाली होती.
+6
फोटो
