रात्रीस खेळ चाले : ... म्हणून लग्नानंतर छाया माहेरी परतते

रात्रीस खेळ चाले मालिकेत रोजच बऱ्याच घटना घडत असतात. सध्या छायाचं लग्न खूप गाजतेय.

छायाचं राजग्यावर प्रेम आहे, हे कळल्यावर अण्णा जबरदस्तीनं छायाचं लग्न लावून देतात. राजग्याचा जीव वाचावा म्हणून मनाविरुद्ध लग्नाला होकार देते.

लग्न लागल्यानंतर अण्णा तिला सांगतात की परत घरी येऊ नकोस. तुला या घराचे दरवाजे बंद. छायाची वरात दुसऱ्या गावी जायला निघते.

वऱ्हाडाच्या बाबतीत एक दुर्दैवी घटना घडते. वऱ्हाडाला अपघात होतो. त्या अपघातात छायाचा नवरा मरतो.

छायाची सासू छायाला म्हणते, हे सर्व तुझ्यामुळे झालं. ती छायाला तिच्या माहेरी पोचवते.

आता पुढच्या भागात छायाच्या दु:खाचे दशावतार पाहायला मिळतील. त्यात अण्णांनी वकिलामार्फत राजग्यालाही गायब केलंय.

आता पुढे छायाचं वेगळं रूप पाहता येणार आहे. चिडलेली, दुखावलेली छाया अण्णांना जाब विचारते.