रात्रीस खेळ चाले : अण्णा काशीची अवस्था अशी करतात की गावालाही बसतो धक्का

काशी शेवंताच्या घरी गेल्याचं अण्णांना कळल्यावर ते चवताळतात. ते अख्ख्या गावात काशीला शोधतायत.

वच्छीला हे कळल्यावर तीही घाबरून जाते. काही करून काशी अण्णांच्या नजरेसमोर यायला नको, असं तिला वाटतंय.

लग्नाचा पोशाख घातलेला काशीही गावात सैरावैरा पळतोय.

काशी शेवंताच्या घरी जाऊन मी अण्णा नाईक म्हटल्यावर शेवंता घाबरून जाते. वेडा काशी हे गावभर बडबडत राहिला तर ती अडचणीत येईल, याची तिला जाणीव होते.

जे घडू नये असं वाटतं तेच घडतं. अण्णा आणि काशी आमने सामने येतात. अण्णा काशीला खूप मारतात.

अण्णा काशीला झाडाला उलटा टांगतात. अख्खं गाव जमा होतं. काशी अर्धमेला झालाय. क्रूर अण्णांचा कारनामा सगळे बघतायत.