मातृत्व बेतू शकत होतं जीवावर, तरीही चौथ्यांदा आई झाली हॉलिवूडची ‘ही’ अभिनेत्री

किम कर्दाशियन आणि तिचा पती कान्ये वेस्ट चौथ्यांदा आई- बाबा झाले. सरोगसीमार्फत दोघांनी चौथ्या बाळाला जन्म दिला.

किम आणि कान्ये यांना याआधी शिकागो, सेंट आणि नार्थ ही तीन मुलं आहे. किमने सोशल मीडियावर आपल्या चौथ्या बाळाच्या जन्माबद्दल सांगत सर्वांना आनंदाचा धक्का दिला.

किम कर्दाशियनने ट्वीट करत म्हटलं की, ‘तो आलाय आणि तो एकमद ठीक आहे.’ किमच्या मुलीचा शिकागोचा जन्मही सरोगसीमार्फतच झाला होता. 38 वर्षीय किमला पहिल्यापासूनच चार मुलं हवी होती.

किमने एका मुलाखतीत म्हटलं होतं की, सरोगसी ही नैसर्गिक प्रेग्नन्सीपेक्षाही जास्त कठीण आहे. असं असलं तरी सरोगसीद्वारे तिच्या मुलीचा जन्म ही तिच्या आयुष्यातली सर्वात सुखद गोष्ट होती.

2015 मध्ये किम गरोदर होती. मात्र यानंतर गरोदर राहिल्यास जीवाला धोका निर्माण होऊ शकतो असं डॉक्टरांनी सांगितले होते. किमला चार मुलं तर हवीच होती. त्यामुळे तिने सरोगसीचा पर्याय निवडला.