Home /News /entertainment /

वॉचमनची नोकरी करायचा हा बॉलिवूड सुपरस्टार, दोन वेळचं जेवण मिळणंही होतं कठीण

वॉचमनची नोकरी करायचा हा बॉलिवूड सुपरस्टार, दोन वेळचं जेवण मिळणंही होतं कठीण

ज्या अभिनेत्याला कधीकाळी दोन वेळच्या जेवणाची भ्रांत होती तो आज बॉलिवूडचा सुपरस्टार झाला आहे.

    मुंबई, 19 मे : बॉलवूडमध्ये आपलं वेगळं स्थान निर्माण करणं आणि केवळ आपल्या अभिनयाच्या जोरावर टिकून राहणं दिसत तेवढं सोपं नाही. इथे टिकून राहण्यासाठी सर्वाधिक महत्त्वाचा निकष असतो तो म्हणजे तुमचा लुक. आकर्षक चेहरा. मग ती अभिनेत्री असो वा अभिनेता. पण एका अभिनेत्यानं मात्र ही परंपरा मोडीत काढली. सामान्य चेहरा, सावळा वर्ण असेलेल्या अभिनेत्यानं केवळ आपल्या अभिनयाच्या जोरावर त्यानं बॉलिवूडमध्ये आपलं स्थान पक्क केलं आहे. बॉलिवूड अभिनेत्याच्या टिपिकल व्याख्येत न बसूनही अभिनयाच्या बाबतीत सर्वांचा बाप असलेल्या या अभिनेत्याचं नाव आहे नवाझुद्दीन सिद्दीकी. नवाझचा आज 46 वा वाढदिवस. उत्तर प्रदेशच्या मुजपफ्फरनगरमध्ये जन्मलेल्या नवाझला कोणतीही अभिनयाची पार्श्वभूमी नव्हती ना कोणी गॉडफादर. 80 च्या दशकाच्या अखेर घरात टीव्ही असणं ही फार मोठी गोष्ट मानली जायची त्यावेळी नवाझच्या गावात कलर टीव्ही पोहोचला नव्हता. त्यावेळी काही लोकांकडे ब्लॅक अँड व्हाइट टीव्ही होते. सर्व मुलांसोबत नवाज सुद्धा लपून छपून टीव्ही पाहायला जात असं आणि त्याच वेळी अभिनेता होण्याच्या त्याच्या स्वप्नानं आकार घेण्यास सुरुवात केली.
    दिल्लीच्या नॅशनल स्कुल ऑफ ड्रामामधून अभिनयाचं शिक्षण पूर्ण झाल्यावर आपलं नशीब आजमवण्यासाठी नवाझ मुंबईमध्ये आला. अभिनयाचं प्रमाणपत्र मिळालेल्या नवाझला मुंबईमध्ये राहायला मात्र जागा नव्हती. त्यावेळी त्यानं त्याच्या एका सिनियर रिक्वेस्ट करून त्याच्या घरात राहण्याची सोय केली. पण त्याला या ठिकाणी राहण्यासाठी अट होती ती म्हणजे त्या मित्राला दोन वेळचं जेवण बनवून खाऊ घालायचं. आपल्या स्ट्रगलच्या काळात नवाझुद्दी काहीही करायला तयार होता. त्यानं वॉचमनची नोकरी सुद्धा केली. सुरुवातील सिनेमांमध्ये चोर, वेटर सारख्या भूमिका त्याच्या नशीबी आल्या पण त्यावेळीही त्यानं हार मानली नाही. नवाझ मुंबईमध्ये आला त्यावेळी खर्चासाठी त्याच्याकडे पैसे नव्हते ना कोणती नोकरी. खूप प्रयत्न केल्यावर त्याला एक वॉचमनचा जॉब मिळाला. पण त्याचं सेक्युरिटी अमाउंट भरण्यासाठीही त्यानं मित्राकडून पैसे उधारिवर घेतले होते. नवाझला नोकरी तर मिळाली पण यासाठी लागणारी शारिरिक क्षमता त्याच्याकडे नव्हती. तो कामावर नेहमीच बसून राहायचा. त्याची ही गोष्ट मालकाच्या लक्षात आल्यावर त्याला या नोकरीवरून काढून टाकण्यात आलं. त्यात त्याचं सेक्युरिटी अमाउंट पण त्याला परत दिलं नाही.
    View this post on Instagram

    Off Shoot ---

    A post shared by Nawazuddin Siddiqui (@nawazuddin._siddiqui) on

    नवाझला सर्वात मोठा ब्रेक मिळाला तो अनुराग कश्यपच्या 'ब्लॅक फ्रायडे' या सिनेमातून. त्यानंतर फिराक, न्यूयॉर्क आणि देव डी या सिनेमांमध्ये त्यानं महत्त्वपूर्ण भूमिका साकारल्या. गँग्स ऑफ वासेपूर रिलीज झाला आणि नवाज सुपरस्टार झाला. त्यानंतर बंदूकबाजमधला बाबू मोशाय, सेक्रेड गेम्सचा गणेश गायतोंडे या भूमिकांनी नवाझुद्दीनला प्रचंड प्रसिद्धी मिळवून दिली. एक वेळ होता ज्या नवाझला एक वेळच्या जेवणाची भ्रांत होती तो आज बॉलिवूडचा सुपरस्टार झाला आहे.
    Published by:Megha Jethe
    First published:

    Tags: Bollywood

    पुढील बातम्या