आमिर खान पाठोपाठ आणखी एक 'Idiot' स्टारला Virus ने घेरलं, तरी म्हणतो All is Well

मुंबई, 25 मार्च: गेल्या काही दिवसात कोरोना रुग्णांच्या संख्येत झपाट्याने वाढ होत असताना बॉलिवूडमधील अभिनेत्यांनाही कोरोनाची लागण होत आहे. अभिनेता अमिर खान (Amir khan covid-19 positive) याला कोरोनाची लागण झाल्यानंतर आता 3 इडियट्स (3 idiots) चित्रपटातील त्याचा सहकलाकार असलेल्या आर. माधवन यालाही (R Madhavan coronavirus positive) कोरोनाची लागण झाली आहे. आर. माधवनने 3 इडियट्स चित्रपटातील अमिर खान आणि त्याचा फोटो असलेलं पोस्टर सोशल मीडियावर शेअर करत कोरोना झाल्याची माहिती दिली आहे. त्याने स्वतःला कोरोना झाल्याची बातमी ट्वीट करत दिली आहे. पण त्याने 3 इडियट्सचा फोटो ट्वीट करत आणि ऑल इज वेल सांगत अशा शब्दांत ही बातमी दिली आहे की, तुम्हीही या स्टारला मनापासून दाद द्याल. या सिनेमाचे फॅन्स असणाऱ्यांना माधनने लिहिलेलं ट्वीट कळेल. सिनेमातल्याच डायलॉग्ज आणि कॅरेक्टर्सचा संदर्भ देत त्यानं Covid positive असल्याचं सांगितलं आहे. माधवन लिहितो, ‘फरहानला रॅन्चोला फॉलो करायचं होतं आणि व्हायरस त्यांना फॉलो करत होता. अखेर व्हायरसने त्यांना पकडलंच. सध्या ऑल इज वेल आहे आणि कोरोना लवकरच खड्ड्यात जाईल. आमच्या मागे आता राजू या कोरोनाच्या विळख्यात सापडू नये अशी प्रार्थना करू या. तुमचे आशीर्वाद माझ्या पाठिशी आहेत. लवकरच बरा होईन’ असा मजकूर आर. माधवन याने लिहिला आहे. https://twitter.com/ActorMadhavan/status/1374984964467384320 2009 साली रिलीज झालेला 3 इडियट्स चित्रपट चांगलाच गाजला होता आणि प्रेक्षकांच्या पसंतीला उतरला होता. 3 इडियट्स या चित्रपटात आमिर खान याने रॅन्चोची भूमिका साकरली होती. तर आर माधवन हा फरहानच्या आणि शरमन जोशीने राजू रस्तोगीच्या भूमिकेत होता. या चित्रपटातील भूमिकेचं वर्णन करत आर. माधवनने ट्विट केले आहे.

• Follow us on