मुंबई, 15 ऑगस्ट : साऊथ सुपरस्टार प्रभास सध्या त्याचा आगामी सिनेमा साहोच्या प्रमोशनमध्ये व्यस्त आहे. या सिनेमात तो एका अंडरग्राउंड पोलिस ऑफिसरच्या भूमिकेत दिसणार आहे तर बॉलिवूड अभिनेत्री श्रद्धा कपूर त्याच्यासोबत स्क्रीन शेअर करणार आहे. ‘बाहुबली’ आणि ‘बाहुबली 2’च्या यशानंतर प्रभास आणि अनुष्का शेट्टीची जोडी तुफान गाजली. त्यानंतर त्यांच्या अफेअरच्या चर्चाही खूप झाल्या. मात्र या दोघांनीही कधीच त्यांच्या नात्याबाबत कोणतीही प्रतिक्रिया दिली नाही. मात्र आता प्रभासनं पहिल्यांदाच अनुष्कासोबतच्या नात्याचा खुलासा केला आहे.
काही दिवसांपूर्वी प्रभास आणि अनुष्का लग्न करण्याच्या तयारीत असल्याचं बोललं जात होतं. ‘मुंबई मिरर’ला दिलेल्या मुलाखतीत प्रभासला अनुष्काबद्दल विचारण्यात आलं. त्यावर म्हणाला, ‘अनुष्का आणि मी खूप चांगले मित्र आहोत. आमच्यात खरंच काही नातं असतं तर मागच्या दोन वर्षांत आम्ही कधीतरी कोणालातरी एकत्र दिसलो असतो. पण असं काहीही झालेलं नाही. करण जोहरनंही मला त्याच्या चॅट शोमध्ये हा प्रश्न विचारला होता. त्यावेळी मी राजामौली आणि राणा यांना उत्तर द्यायला सांगितलं होतं. त्यांनीसुद्धा आमच्यात काहीच नसल्याचं स्पष्ट केलं होतं.’
काही दिवसांपूर्वी प्रभास आणि अनुष्का त्यांच्या नात्याबाबत सध्या गंभीर असून हे दोघंही या नात्याला पुढे नेण्याचा विचार करत आहेत असं म्हटलं जात होतं. एवढंच नव्हे तर अनुष्का आणि प्रभासनं लॉस एंजेलिसमध्ये घर घेण्याच्या विचारत असल्याच्याही चर्चा होत्या. मात्र त्यावेळी प्रभास किंवा अनुष्काकडून याबाबत कोणतंही स्पष्टीकरण आलेलं नव्हतं.
याशिवाय साहो सिनेमाच्या शूटिंगच्यावेळी प्रभासला दुखापत झाली होती. त्यानंतर अनुष्कानं सेटवर जाऊन त्याची भेट घेत असे स्टंट करताना डबल बॉडीचा वापर करण्याचा सल्ला त्याला दिला होता. काही दिवसांपूर्वीच या सिनेमाचा ट्रेलर रिलीज झाला. ज्याचा प्रेक्षकांचा खूप चांगला प्रतिसाद लाभला. हा सिनेमा सुरुवातीला 15 ऑगस्टला रिलीज होणार होता मात्र नंतर त्याची रिलीज डेट बदलण्यात आली. त्यामुळे आता हा सिनेमा येत्या 30 ऑगस्टला रिलीज होणार आहे.
साहोचे दिग्दर्शक सुजीत यांनी या सिनेमातील सर्व स्टंट सीनसाठी खास मेहनत घेतली आहे. या सिनेमातील अनेक सीन्स हे हॉलिवूडच्याही स्टंटना सुद्धा मागे टाकताना दिसतात. प्रभासनंही या सर्व अ‍ॅक्शन सीन्स खूप मेहनत घेतली असून त्यानं सिनेमामधील त्याच्या भूमिकेला योग्य न्याय दिला आहे. प्रभास आणि श्रद्धा कपूर या सिनेमात मुख्य भूमिकेत आहेत. याशिवाय नील नितिन मुकेश, जॅकी श्रॉफ, महेश मांजरेकर यांच्यासारखे दिग्गज अभिनेते खलनायकांच्या भूमिकेत दिसत आहेत. तसेच प्रकाश बेलावडी, मंदिरा बेदी आणि मुरली शर्मा यांच्याही या सिनेमात महत्त्वपूर्ण भूमिका आहेत.
===================================================================
SPECIAL REPORT : मिकाला तो परफॉर्मन्स पडला भारी, गाण्यावर भारतात आली बंदी
बातम्यांच्या अपडेटसाठी लाईक करा आमच्या फेसबुक पेजला आणि टि्वटरवर फाॅलो करा
