बायकोचे अनैतिक संबंध, नवऱ्याने केला विरोध तर थेट विषयच संपवला! 6 मुलांच्या आईचं भयानक कांड

गोपालगंज, 25 मे : अनैतिक संबंधांच्या नशेत एक महिला इतकी धुंद झाली होती की, तिने आपल्या पतीच्या हत्या करुन टाकली. व्यावसायिकाच्या पत्नीने प्रियकराच्या मदतीने सुपारी मारणाऱ्यांच्या मदतीने ही हत्या घडवून आणली आणि सुपारी देण्यासाठी पतीचे पैसेही खर्च केले. प्रेम, सेक्स आणि धोका, याप्रकारातील ही घटना बिहारच्या गोपालगंज जिल्ह्यातील आहे.

गोपालगंज जिल्ह्यातील श्रीपूर ओपीच्या लाडपूर गावात प्रसिद्ध मासे व्यापारी ईश मोहम्मद मियाँची गोळ्या घालून हत्या केल्याप्रकरणी एसआयटीने खळबळजनक खुलासा केला आहे. प्रियकराच्या लालसेपोटी पत्नीने 50 हजार रुपयांची सुपारी देत पतीची हत्या केली. दरम्यान, या हत्येमध्ये सहभागी असलेल्या दोन्ही कॉन्ट्रॅक्ट किलरसह आरोपी प्रियकर आणि आरोपी महिलेला एसआयटीने अटक केली आहे. अटक करण्यात आलेल्या गुन्हेगारांमध्ये बथुआ बाजार येथील महिलेचा प्रियकर नौशाद आलम, बालेपूर गावातील कॉन्ट्रॅक्ट किलर मन्सूर आलम, कंठी बथुआ येथील परवेझ अन्सारी आणि मृताची पत्नी नूरजहाँ खातून यांचा समावेश आहे.

अटक करण्यात आलेल्या गुन्हेगारांकडून खुनात वापरलेले पिस्तूल, तीन जिवंत काडतुसे, एक बुलेटची खोकी, पाच मोबाईल आणि एक मोटारसायकल जप्त करण्यात आली आहे. चौकशीत महिलेने पतीची हत्या केल्याची कबुली दिली आहे. एसपी स्वर्ण प्रभात यांनी सांगितले की, नूरजहाँ खातून सहा मुलांची आई आहे आणि तिचा पती ईश मोहम्मद मियाँ परदेशातून येऊन घरी मासे विक्रीचा व्यवसाय करत असे. तीन मुली आणि तीन मुलांपैकी एका मुलीचे लग्न झाले होते. मात्र, त्याची पत्नी शेजारील बथुआ बाजार येथील रहिवासी नौशाद आलम याच्या प्रेमात पडली होती. दोघांमध्ये अनैतिध संबंध होते, ज्याची माहिती तिच्या पतीला मिळाली होती.

महिलेचा पती अनैतिक संबंधाला विरोध करून पत्नीला मारहाण करायचा. यामुळे संतापलेल्या महिलेने प्रियकरासह पतीला मारण्याचा कट रचला. भोरे येथे 22 मे रोजी झालेल्या हत्येनंतर हथुआचे एसडीपीओ अनुराग कुमार यांच्या नेतृत्वाखाली एसआयटीची स्थापना करण्यात आली होती. हत्येचा तपास सुरू करताना एसआयटीने मृताच्या पत्नीच्या मोबाईलचा कॉल सीडीआर काढला, त्यानंतर हत्येची कहाणी समोर आली.

एसआयटीच्या तपासात असे समोर आले आहे की, मृत व्यावसायिक ईश मोहम्मद मियाँ सहा मुलांचा बाप झाल्यानंतर घराची आर्थिक परिस्थिती सुधारण्यासाठी पैसे कमवण्यासाठी परदेशात गेला होता. पती परदेशात गेल्यावर पत्नी एकांतात राहू लागली आणि त्यानंतर तिची भेट बथुआ बाजार येथील नौशाद आलमशी झाली. नूरजहाँने नौशादला तिच्या घरी बोलावून त्याच्याशी अनैतिक संबंध ठेवण्यास सुरुवात केली. इकडे पती घरी पोहोचताच त्याला हा प्रकार कळला, त्यानंतर त्याने विरोध सुरू केला. अनैतिक संबंधाला विरोधच पतीच्या मृत्यूचे कारण ठरले आणि पत्नीने प्रियकराच्या मदतीने त्याची हत्या केली.