6 मुलांची आई, वय 50 अन् 30 वर्षांच्या भाच्यासोबत जुळलं सूत; वाचा, पुढे काय घडलं?

अनुज गौतम, प्रतिनिधी

सागर, 20 मार्च : देशात दिवसेंदिवस गुन्हेगारीच्या घटना वाढत आहेत. हत्या, आत्महत्या, तसेच प्रेम प्रकरणातून खुनाच्याही धक्कादायक घटना समोर येत आहेत. त्यातच आता आणखी एक धक्कादायक घटना समोर आली आहे.

मध्य प्रदेशातील सागर जिल्ह्यातून प्रेमप्रकरणाचे एक विचित्र प्रकरण समोर आले आहे. वयाच्या 50 व्या वर्षी 6 मुलांची आई तिच्यापेक्षा 20 वर्षांनी लहान असलेल्या भाच्याच्या प्रेमात पडली. यानंतर तिने प्रियकरासोबत प्लॅन केला आणि 60 हजार रुपये घेऊन पतीच्या घरी पळून गेली. त्याचवेळी गेल्या एक महिन्यापासून महिलेचा पती आणि मुले तिच्या शोधात शासकीय कार्यालयात चकरा मारत आहेत. पण महिला आणि तिचा प्रियकर पोलिसांना अजूनही मिळालेले नाहीत. तसेच कुटुंबीयांनाही त्यांचा अजून काही सुगावा लागलेला नाही.

ही घटना सागर जिल्ह्यातील आहे. याठिकाणी देवरी पोलीस स्टेशन हद्दीतील चीमाढाना येथून आलेल्या सरवन कुचबंदिया याने पोलिसांकडे धाव घेत पत्नीला शोधण्याची विनंती केली आहे. मीडियाशी बोलताना सरवनने सांगितले की, त्याची पत्नी हेलनबाई कुचबंदिया आपल्या 30 वर्षीय पुतण्यासोबत पळून गेली आहे. दोघेही नात्यात आत्या आणि भाचा आहेत.

14 फेब्रुवारीच्या (व्हॅलेंटाइन डे) रात्री घरात सर्वजण झोपले होते. रात्री साडेअकरा वाजता त्याला अचानक जाग आली तेव्हा हेलन त्याच्यासोबत नव्हती. त्याचवेळी सरवने यांनी सांगितले की, पहिल्यांदा फोन केला असता त्यांना उत्तर मिळाले नाही. मी घराच्या इतर खोल्यांमध्येही पाहिलं तर ती कुठेच दिसली नाही. पत्नी घरातून बेपत्ता झाली होती. दरम्यान, दुसऱ्या दिवसापर्यंत त्याने तिचा शोध घेतला. नातेवाईकांनाही बोलावले. यानंतर त्यांनी कुठेही माहिती न मिळाल्याने पोलीस ठाण्यात हरवल्याची तक्रार दाखल करण्यात आली.

आता एक महिन्याहून अधिक काळ लोटला आहे. मी अनेकवेळा पोलीस ठाण्यात आलो, सीएम हेल्पलाइनवर तक्रार केली, पण पत्नीचा शोध लागला नाहीए. हेलनच्या माहेरी समनापूर येथील तिचा भाचा सतीशही तेव्हापासून घरी नसल्याचे सरमन यांनी सांगितले. ती त्याच्यासोबत 60 हजार रुपये घेऊन निघून गेली आहे. त्याच्या भाच्यासोबत सोनू नावाचा मुलगाही आहे. तिघेही एकत्र आहेत. पोलिसांकडून त्याचा शोध घेतला जात नाही आहे.

दुसरीकडे, या प्रकरणाबाबत देवरी पोलीस स्टेशनचे प्रभारी उपमा सिंह म्हणाले की, महिनाभरापूर्वी एक अर्ज देण्यात आला होता, ज्यावर बेपत्ता झाल्याचा गुन्हा दाखल करण्यात आला होता. मात्र त्यांनी ना कोणाचा मोबाईल नंबर दिला होता ना इतर कोणतीही माहिती दिली होती. त्यामुळे ते अद्याप सापडलेले नाही. पोलीस आपल्या स्तरावर महिलेचा शोध घेत आहेत.