बर्थडे पार्टीत अल्पवयीन मुलीवर सामूहिक बलात्कार, पोलिसांकडून नेत्याच्या मुलाला अटक

कोलकाता, 11 एप्रिल : पश्चिम बंगालमधील नादिया जिल्ह्यात एका अल्पवयीन मुलीच्या मृत्यूने खळबळ उडाली आहे. आपल्या मुलीवर वाढदिवसाच्या पार्टीत सामूहिक बलात्कार झाल्याचा आरोप मुलीच्या कुटुंबीयांनी केला आहे. (rape on minor) घरी परतल्यावर तिचा मृत्यू झाला. मुख्य आरोपी हा तृणमूल काँग्रेसच्या (tmc leader) एका पंचायत सदस्याचा मुलगा आहे, असा दावाही मुलीच्या परिवाराने केला आहे. दरम्यान, या प्रकरणी आरोपी मुलाला अटक करण्यात आली आहे. 

बळजबरीने केले अंत्यसंस्कार -

अल्पवयीन मुलीचे मृत्यू प्रमाणपत्र जारी होण्यापूर्वीच तिच्या मृतदेहावर बळजबरीने अंत्यसंस्कार करण्यात आल्याचा आरोपही कुटुंबीयांनी केला आहे. काही लोकांनी सुरुवातीला मुलीला कोणत्याही सरकारी दवाखान्यात किंवा खासगी आरोग्य सुविधेत न नेण्याचा इशारा दिला होता आणि तिला कुठल्यातरी डॉक्टरकडे नेण्यास सांगितले होते, असा आरोपही पीडितेच्या कुटुंबीयांनी केला आहे.