Mumbai : कॅनरा बँकेतून 428 कोटींचं लोन; कंपनीच्या डायरेक्टरच्या ऑफिसात आढळलं घबाड, CBI अधिकारीही हादरले!

मुंबई, 12 जानेवारी : मुंबईतून एक मोठी बातमी समोर आली आहे. सीबीआयने पीएसएल स्कॅम घोटाळ्यात मुंबईत छापे टाकले. या छापेमारीदरम्यान, त्यांना 1 लाख यूएस डॉलर आणि 2 कोटी रुपये कॅश मिळाले. पीएसएल लिमिटेडने कॅनरा बँककडून 428 कोट्यवधींचे कर्ज घेऊन घोटाळा केल्याचा आरोप आहे. पीएसएल घोटाळा प्रकरणी सीबीआयने आज मुंबईत मोठा छापा टाकला. पीएसएल कंपनीच्या संचालक आणि प्रवर्तकांवर हा छापा टाकण्यात आला. त्यापैकी एक संचालक देवकी नंदनच्या मुंबईतील अंधेरी शहरातील कार्यालयातून सीबीआयला 1 लाख अमेरिकन डॉलर आणि 2 कोटी रोख मिळाले आहेत. हेही वाचा - खरंच शीनाबोरा अजून जीवंत आहे का? CBI च्या दोन शब्दांनी प्रकरणाला पूर्णविराम मिळणार? PSL कंपनीने देशातील 4 सरकारी बँकांकडून 400 कोटींहून अधिक कर्ज घेऊन फसवणूक केली होती. या प्रकरणी सार्वजनिक क्षेत्रातील बँकांनी पीएसएलविरोधात गुन्हा दाखल केला होता. दरम्यान, आज सीबीआयने मोठी कारवाई केली. छापेमारीदरम्यान, कंपनीच्या संचालकाच्या ऑफिसात इतकं मोठं घबाड आढळल्याने खळबळ उडाली आहे.

• Follow us on