देशातील दोन तृतीयांश नागरिकांच्या शरीरात कोरोनाच्या अँटिबॉडीज, ICMR च्या सर्व्हेतील 4 महत्त्वाचे निष्कर्ष

देशातील दोन तृतीयांश लोकसंख्येच्या शरीरात कोरोनाविरुद्धच्या अँटिबॉडिज तयार झाल्याचा निष्कर्ष ICMR च्या नव्या सर्वेक्षणातून काढण्यात आला आहे.

देशातील जवळपास 50 टक्क्यांहून अधिक लहान मुलांमध्ये कोरोनाविरुद्धच्या अँटिबॉडिज आढळल्याची माहिती ICMR नं दिली आहे.

देशातील 85 टक्के आरोग्य कर्मचाऱ्यांना कोरोनाची लागण होऊन गेल्याचं निरीक्षण यात नोंदवण्यात आलं आहे.

यामध्ये 6 ते 17 वयोगटातील 28975 मुलं आणि 7252 आरोग्य कर्मचारी यांच्या रक्ताचे नमुने तपासण्यात आले. देशातल्या वेगवेगळ्या 21 राज्यांतील 70 जिल्ह्यांमध्ये हा सर्व्हे करण्यात आला.

देशातील सुमारे 40 कोटी जनतेला अद्यापही कोरोनापासून धोका असल्याचं या 'सिरो सर्व्हे'तून सिद्ध झालं आहे.