आता नाकावाटेही मिळणार Corona vaccine; Bharat biotech च्या Intranasal Booster Dose ला मंजुरी

नवी दिल्ली, 28 जानेवारी : भारतात सध्या कोरोनाच्या ज्या लशी (Corona vaccine) दिल्या जात आहेत. त्या इंजेक्शनामार्फत दिल्या जात आहेत. आता नाकावाटेही कोरोना लस दिली जाणार आहे. मोदी सरकारने भारत बायोटकेच्या Intranasal Booster Dose ला मंंजुरी दिली आहे. ड्रग कंट्रोलर जनरल ऑफ इंडियाने (Drugs Controller General of India)  इन्ट्राननेझल बुस्टर डोसच्या ट्रायलला परवानगी दिली आहे. डीसीजीआयच्या सब्जेक्ट एक्सपर्ट कमिटीने (SEC) कंपनीच्या इन्ट्रानेझल कोरोना लशीच्या तिसऱ्या टप्प्यातील बुस्टर डोसच्या ट्रायलसाठी प्राथमिक मंजुरी दिली आहे. भारतातातील ही पहिली अशी लस आहे, जी नाकावाटे  दिली जाईल. या लशीत ओमिक्रॉनसह कोरोनाच्या इतर व्हेरिएंटलाही रोखण्याची क्षमता असल्याचं सांगितलं जातं आहे.

Drugs Controller General of India (DCGI) gives permission to BharatBiotech for intranasal booster dose trials. #COVID19 pic.twitter.com/b2NEo5utfQ

— ANI (@ANI) January 28, 2022

भारतात 10 जानेवारी, 2022 पासून बुस्टर डोस द्यायला सुरुवात करण्यात आली. कोरोना योद्धा, हेल्थकेअर आणि फ्रंटलाईन वर्कर्स यांच्यासोबत 60 वर्षांपेक्षा जास्त वयाचे नागरिक आणि इतर आजार असलेल्या लोकांना बुस्टर डोस दिला जातो आहे. हे वाचा - Corona निर्बंधासंदर्भात केंद्र सरकारचा मोठा निर्णय, राज्यांना लिहिलं पत्र नझल व्हॅक्सिनबाबत याआधी बोलताना भारत बायोटेकचे कृष्णा इल्ला यांनी सांगितलं होतं की, संपूर्ण जगलाल अशी लस हवी आहे. संसर्ग रोखण्याचा हा एकमेव मार्ग आहे. कोरोना लशीच्या दोन डोसनंतर तिसरा डोस देण्याची ही योग्य वेळ आहे. बहुतेक लोक इम्युनोलॉजीची माहिती मिळवण्याचा प्रयत्न करत आहेत आणि भारत बायोटेकने ती मिळवली आहे. लवकरच Covishield आणि Covaxin लवकरच बाजारात देशातील Covishield आणि Covaxin या अँटी-कोविड-19 लसी (Anti Covid-19 vaccines) लवकरच बाजारात येण्याची शक्यता आहे. अधिकृत सूत्रांनी दिलेल्या माहितीनुसार, या दोन्ही लसींना लवकरच त्यांच्या विक्रीसाठी भारताच्या औषध नियामकाकडून मान्यता मिळण्याची शक्यता हे. याची किंमत प्रति डोस 275 रुपये असण्याची शक्यता आहे आणि 150 रुपये अतिरिक्त सेवा शुल्क आकारले जाऊ शकतात. हे वाचा - धोकादायक..! Omicron नंतर नवा Corona Virus, चिनी शास्त्रज्ञांनी दिला इशारा नॅशनल फार्मास्युटिकल प्राइसिंग अथॉरिटी (National Pharmaceutical Pricing Authority, NPPA) ला लसींना आर्थिकदृष्ट्या कमी किंमतीत बनवण्यासाठी लसींच्या किंमती मर्यादित करण्याच्या दिशेनं काम सुरू करण्याचे निर्देश देण्यात आले आहेत.