)
सोनिया मिश्रा, प्रतिनिधी रुद्रप्रयाग, 23 मार्च : उत्तराखंडच्या डोंगराळ भागात अशा अनेक महिला आहेत, ज्या कठीण परिस्थितीतही घरखर्च उचलून आपला उदरनिर्वाह करत आहेत, पण आज आम्ही तुम्हाला अशा महिलेबद्दल सांगणार आहोत, जिच्या एका किडनीमध्ये आरोग्यासंबंधी सर्व समस्या आहेत. पण संकटांना तोंड देत ती एकट्याने आपल्या दोन मुलींचे संगोपन करत आहे. रुद्रप्रयाग जिल्ह्यापासून 80 किमी अंतरावर त्रियुगीनारायण गाव आहे. याठिकाणी पिंकी गायरोलाने वयाच्या 27 व्या वर्षी अनेक समस्यांचा सामना केला आहे. पतीला दिली किडन्या - पिंकी सांगते की, तिने ऊखीमठच्या डेडा (मस्तुरा) भागात इंटरमिजिएटपर्यंत शिक्षण घेतले आहे. तरुण वयात तिचे लग्न झाले तर कुटुंबाची जबाबदारीही तिच्यावर आली. लग्नाच्या काही काळापर्यंत सर्व काही ठीक होते. तिला दोन्ही मुली झाल्या. संसार सुरू होता. पण काही वर्षांनी पती भुवनेश गायरोला यांच्या दोन्ही किडन्या अचानक निकामी झाल्या. त्यानंतर पिंकीने काहीही विचार न करता तिची एक किडनी पतीला दिली. असे असूनही, भुवनेश जास्त काळ जीवन जगू शकले नाहीत आणि त्यांनी पिंकी आणि दोन्ही मुली, कुटुंबाला एकटे सोडून जगाचा निरोप घेतला. पिंकी अजूनही पतीच्या निधनाचा धक्का सहन करत होती. मात्र, त्यातच काही काळानंतर पिंकीच्या सासूबाईंनीही हे जग सोडलं. यानंतर पिंकीवर दु:खाचा डोंगर कोसळला.
पिंकी म्हणते की, ती अनेकदा आजारी असते आणि उपचारासाठी वेळोवेळी डेहराडूनला जावे लागते. आता त्यांचे सासरे त्यांच्या कुटुंबात दोन मुलींसह राहतात आणि सासऱ्याचे त्रियुगीनारायण गावातच एक छोटेसे दुकान आहे. यासोबतच पिंकीने तिच्या घरात स्वतःचे दुकानही थाटले आहे. याठिकाणी ती महिलांच्या मेकअपचा सामान विकते. महिला शेतकरी करताय 450 प्रकारची भातशेती, नेमका हा प्रकार काय? VIDEO आर्थिक अडचणींमुळे पिंकी शिवणकामासोबतच मॅक्रेम धाग्यांनी टोपल्या, गणेश, झुंबर, पुष्पगुच्छ बनवण्याचे कामही ती करते. पिंकी सांगते की ती जवळपास दोन-तीन वर्षांपासून हे काम करत आहे आणि आत्तापर्यंत गावातील 5-6 मुलींना मॅक्रेम वर्क शिकवले आहे. पिंकी सांगते की, तिने युट्यूबवर व्हिडिओ पाहूनच मॅक्रॅम वर्क शिकले. माझ्या दोन्ही मुली सुशिक्षित होऊन प्रगती करताना पाहणे, हे माझे स्वप्न असल्याचे ती म्हणते. यासाठी ती रात्रंदिवस काम करते. मात्र, बाजारपेठेअभावी तिला कष्टाचे मोल मिळत नाही, त्यामुळे शासन प्रशासनाने तिला यासाठी मदत करावी, असे ती म्हणते. पिंकी गारोला हिचे उदाहरण सर्वांसाठी प्रेरणास्थान आहे.
+6
फोटो
