Success Story: सायंटिस्ट श्रेयसीनं उंचावली देशाची मान; जगातील मोठ्या संशोधन संस्थेकडून मिळाला पुरस्कार

मुंबई, 17 ऑगस्ट: भारत हा विकसनशील देश आहे हे आपण आजपर्यंत ऐकत आलो आहोंत. मात्र आपल्या भारतात जगाचा गुरु होण्याची ताकद आहे. आपल्या देशातील सायंटिस्ट आपल्या देशाला मोठं करून पुढे घेऊन जाण्याच्या कामात मोठा वाटा उचलत आहेत. अशा एका भारताच्या मुलीनं जगात देशाचं नाव मोठं केलं आहे. सिलीगुडीच्या श्रेयसी आचार्याचा जगातील टॉप शास्त्रज्ञांच्या यादीत समावेश झाला आहे. तिच्या फिजिक्स संबंधीच्या रिसर्च पेपरला आंतरराष्ट्रीय स्तरावर मान्यता मिळाली आहे. श्रेयसीचे नाव जगातील इतर चार प्रतिभावान संशोधकांसोबत जोडलं गेलं आहे. त्यामुळे जगभरातून श्रेयसीच्या या कार्याचं कौतुक होत आहे.

सिलीगुडी नगरपालिकेच्या वॉर्ड क्रमांक 24, भारतनगर येथील रहिवासी असलेल्या श्रेयसीनं तिच्या पालकांची तिच्या शहराचीच नाही तर संपूर्ण देशाची मान उंचावली आहे. श्रेयसीला तिच्या उत्कृष्ट शोधनिबंधासाठी युरोपियन ऑर्गनायझेशन फॉर न्यूक्लियर रिसर्च किंवा CERN या जगातील सर्वात मोठ्या वैज्ञानिक संस्थेने एलिस थीसिस पुरस्काराने सन्मानित करण्यात आलं आहे.

शालेय पुस्तकांमध्ये कोणते बदल आहेत आवश्यक? शिक्षण मंत्रालयाला हवंय तुमचं मत

श्रेयसीने बारावीपर्यंत सिलीगुडीमध्ये विज्ञानाचे शिक्षण घेतले आणि त्यानंतर जाधवपूर विद्यापीठात भौतिकशास्त्राचे शिक्षण घेतले. तिथून तिने भाभा अणु संशोधन केंद्रात संशोधक म्हणून काम केले. तिने 2021 पासून CERN मध्ये काम करण्यास सुरुवात केली. श्रेयसी सध्या फ्रान्समधील एलिस संशोधकांसोबत संशोधन करत आहे. गेल्या आठवड्यात CERN येथे एलिस सप्ताह साजरा करण्यात आला तेव्हा ती त्यात सामील झाली होती.

देशात येणार सरकारी नोकऱ्यांची लाट; इंडिया पोस्टतर्फे 1 लाख जागांसाठी मेगाभरती