NEET Exam 2023: भावी डॉक्टरांसाठी मोठी अपडेट; लवकरच जारी होणार NEET 2023 नोटीफिकेशन; असं करा रजिस्टर

मुंबई, 01 फेब्रुवारी: नॅशनल टेस्टिंग एजन्सी (NTA) द्वारे NEET UG 2023 अधिसूचना लवकरच जारी केली जाऊ शकते. अधिसूचना जारी झाल्यानंतर, नोंदणी प्रक्रिया सुरू होण्याची तारीख जाहीर करण्यात येणार आहे. वैद्यकीय महाविद्यालयांमध्ये प्रवेश घेण्यासाठी दरवर्षी लाखो विद्यार्थी राष्ट्रीय पात्रता प्रवेश परीक्षा-अंडर ग्रॅज्युएट (NEET UG) मध्ये भाग घेतात. NEET UG 2023 च्या नोंदणी प्रक्रियेबाबत आतापर्यंत कोणतीही माहिती समोर आलेली नाही. मात्र त्याची माहिती लवकरच जाहीर केली जाईल.

Education Budget 2023: शिक्षण मंत्रालय झालं मालामाल; शालेय शिक्षण आणि उच्च शिक्षण विभागाला किती कोटी? वाचा माहिती

NEET UG अधिकृत अधिसूचना जारी केल्यानंतर, प्रवेशपत्र आणि निकालाच्या तारखांबद्दल माहिती देखील उघड होईल. नुकतेच एनटीएने या वर्षाचे परीक्षा दिनदर्शिका प्रसिद्ध केले. परीक्षा दिनदर्शिकेनुसार, NEET UG 2023 ची परीक्षा 7 मे 2023 रोजी घेतली जाईल. परीक्षा सुरू होण्यापूर्वी प्रवेशपत्र जारी केले जाईल. NEET UG चे संपूर्ण वेळापत्रक जाहीर झाल्यानंतर, उमेदवारांना परीक्षेचे संपूर्ण वेळापत्रक मिळेल.

ना जॉबचं टेन्शन ना बॉसचं प्रेशर; असे घरबसल्या कमवा तासाचे लाखो रुपये

परीक्षेसाठी असं करा रजिस्ट्रेशन

नोंदणीसाठी, उमेदवारांना अधिकृत वेबसाइट neet.nta.nic.in ला भेट द्यावी लागेल.

मुख्यपृष्ठावर, तुम्हाला NEET UG 2023 नोंदणी लिंकवर क्लिक करावे लागेल.

आता तुम्हाला लॉगिन क्रेडेंशियल्स तयार करावे लागतील आणि नंतर लॉगिन करावे लागेल.

पुढील पायरी म्हणून, काळजीपूर्वक अर्ज भरा.

फॉर्ममध्ये विचारलेली सर्व आवश्यक कागदपत्रे अपलोड करा.

अर्ज फी भरा आणि फॉर्म सबमिट करा.

Career Tips: महिन्याला मिळेल लाखोंमध्ये सॅलरी; 'हा' कोर्स शून्यातून वर घेऊन जाईल तुमचं करिअर

NEET परीक्षा देण्यासाठी कोणतीही कमाल मर्यादा नाही. तथापि, 31 जानेवारी 2023 रोजी उमेदवारांचे किमान वय 17 वर्षे असावे. परीक्षा देण्यासाठी उमेदवाराला भौतिकशास्त्र, रसायनशास्त्र आणि जीवशास्त्र या विषयांसह बारावी उत्तीर्ण असणे अनिवार्य आहे. NEET 2023 साठी अर्ज करण्यासाठी, उमेदवारांनी संपूर्ण अधिसूचना वाचणे आवश्यक आहे, ज्यामध्ये पात्रता निकषांसह सर्व माहिती दिली जाईल.