मोठी बातमी! भारतीय वायुसेनेत अग्निविरांची भरती जाहीर; 'या' तारखेपासून सुरु होणार रजिस्ट्रेशन

मुंबई, 31 ऑक्टोबर: भारतीय वायुसेनेने अग्निपथ योजनेअंतर्गत भरतीसाठी अधिसूचना जारी केली आहे. अग्निपथ योजनेंतर्गत अग्निवीरांची भरती जानेवारी 2023 च्या बॅचसाठी केली जाणार आहे. 17.5 वर्षे ते 23 वर्षे वयोगटातील उमेदवार हवाई दलात भरतीसाठी अर्ज करू शकतात. भारतीय हवाई दलात भरतीसाठी अर्ज प्रक्रिया 07 नोव्हेंबर 2022 पासून सुरू होईल, तर ऑनलाइन अर्ज करण्याची अंतिम तारीख 23 नोव्हेंबर आहे. अधिकृत अधिसूचनेनुसार, अग्निवीरांसाठी ऑनलाइन परीक्षा 18 ते 24 जानेवारी 2023 या कालावधीत घेतली जाईल. Career Tips: नक्की किती असते एका एअर होस्टेसची सॅलरी? असे असतात पात्रतेचे कठोर निकष अग्निपथ योजनेअंतर्गत तरुणांना हवाई दलात अर्ज करण्याची संधी दिली जाईल. या योजनेंतर्गत तरुणांना चार वर्षे हवाई दलात सेवेची संधी मिळणार आहे. चार वर्षांच्या सेवेनंतर उमेदवारांना मोठी रक्कम दिली जाईल. याशिवाय त्यांना अग्निवीर कौशल्य प्रमाणपत्रही देण्यात येणार आहे. अग्निवीरांना दरवर्षी सेवेदरम्यान ३० दिवसांची रजाही दिली जाईल. याशिवाय त्यांना वैद्यकीय सल्ल्यानुसार आजारी रजा दिली जाईल. पात्रता निकष काय आहे? तुम्हाला बारावीमध्ये गणित, भौतिकशास्त्र आणि इंग्रजीमध्ये किमान 50% गुण आणि इंग्रजीमध्ये 50% गुण असावेत. इंजिनीअरिंगमध्ये तीन वर्षांचा डिप्लोमा असलेले उमेदवारही अर्ज करू शकतात. त्यांना 50% गुण असावेत फिजिक्स आणि मॅथ्ससह दोन वर्षांचा व्यावसायिक अभ्यासक्रम केलेल्या उमेदवारांनाही अर्ज करण्याची संधी असेल. अग्निवीरसाठी अर्ज करणाऱ्या उमेदवारांची उंची 152.5 सेमी असावी. 1-2 नाही तर तब्बल 203 जागांसाठी बंपर भरती; ‘महावितरण’मध्ये ‘या’ जागांसाठी करा अप्लाय अर्ज कसा करायचा? हवाई दलात अर्ज करण्यासाठी अधिकृत वेबसाइट agnipathvayu.cdac.in ला भेट द्या. होमपेजवर तुम्हाला Apply Online वर क्लिक करावे लागेल. उमेदवारांना प्रथम साइन इन करावे लागेल. साइन अप केल्यानंतर तुम्हाला लॉगिन आणि पासवर्ड मिळेल. तुम्हाला लॉगिन-पासवर्डद्वारे अर्ज भरावा लागेल. शेवटी अर्जाची फी भरून फॉर्म सबमिट करा. उमेदवारांना सांगितले जाते की अर्जाची फी 250 रुपये आहे आणि ती डेबिट कार्ड/क्रेडिट कार्ड/नेट बँकिंगद्वारे भरली जाऊ शकते.

• Follow us on