कोणत्याही देशात कुठल्याही विद्यापीठात शिक्षणासाठी जाताय? मग आधी 'या' गोष्टींची माहिती घेणं IMP

मुंबई, 14 जुलै: दरवर्षी हजारो विद्यार्थी बारावीनंतर परदेशी महाविद्यालयांमध्ये यूजी अभ्यासक्रमांसाठी प्रवेशासाठी अर्ज करतात, परंतु त्यापैकी काहींनाच यश मिळते. याचे मुख्य कारण म्हणजे अर्ज योग्य पद्धतीने न भरणे. परदेशात शिक्षण घेणे हे प्रत्येक विद्यार्थ्याचे स्वप्न असते. याद्वारे देश-विदेशात नोकऱ्या आणि करिअर निर्माण करणे सोपे असतानाच इतर देशांतील लोकांशी ताळमेळ साधून विद्यार्थ्यांचे व्यक्तिमत्त्वही योग्य पद्धतीने विकसित होते. म्हणूनच आज आम्ही तुम्हाला अशा काही गोष्टी सांगणार आहोत ज्या तुम्हाला माहिती असणं आवश्यक आहे. चला तर जाणून घेऊया.

किती खर्च येईल

परदेशात शिकण्यासाठी, प्रवेश घेताना विद्यार्थी आणि त्यांच्या पालकांकडे शिक्षण शुल्क आणि इतर खर्चाचा तपशील असणे सर्वात महत्वाचे आहे. अनेकदा विद्यार्थ्यांना विद्यापीठाच्या वेबसाइटवर जे काही लिहिले आहे त्यापेक्षा जास्त पैसे मोजावे लागतात. या कारणास्तव, विद्यार्थ्यांच्या प्रवेशापूर्वी सर्व खर्चाचा तपशील घेणे चांगले आहे आणि याबरोबरच विद्यार्थ्यांना आर्थिक मदतीसाठी देण्यात येणाऱ्या शिष्यवृत्तीची देखील माहिती असणे आवश्यक आहे.

"या' कोर्सचे मोफत प्रशिक्षण घेऊन सुरू करा तुमचं ड्रीम प्रोफेशन, पाहा VIDEO

इंटर्नशिप संधी

कोणत्याही विद्यापीठात प्रवेश घेण्यापूर्वी विद्यार्थ्यांनी त्यात कोणत्या प्रकारची इंटर्नशिप आणि संशोधनाच्या संधी उपलब्ध आहेत हे तपासून पाहावे. हे महत्त्वाचे आहे कारण तुम्हाला ज्या क्षेत्रात किंवा विषयात रस आहे त्यामधील तुमचा अनुभव भविष्यातील करिअरसाठी आवश्यक असेल कारण यामुळे विद्यार्थ्यांना त्यांचे नेटवर्क वाढवण्याची संधी मिळेल.

इमिग्रेशन नियम

कोरोनानंतर, इमिग्रेशनच्या नियमांमध्ये अनेक बदल करण्यात आले आहेत, अशा परिस्थितीत प्रवेश करण्यापूर्वी सर्व नियम माहित असणे आवश्यक आहे. अनेक देशांमध्ये इमिग्रेशनबाबत कडक कायदे आहेत, तर अनेक ठिकाणी विद्यार्थ्यांसाठी दरवाजे खुले आहेत. उदाहरणार्थ, कॅनडामध्ये विद्यार्थ्यांसाठी खूप लवचिक इमिग्रेशन धोरण आहे.

शैक्षणिक संभावना

कोणत्याही विद्यापीठात प्रवेश घेण्यापूर्वी विद्यार्थ्यांनी त्या विद्यापीठाशी संबंधित शैक्षणिक संभावना लक्षात ठेवाव्यात. म्हणजेच विद्यार्थ्यांना कोणत्या विद्यापीठात प्रवेश घ्यायचा आहे, त्याचे मानांकन, शिष्यवृत्तीच्या संधी आणि त्यात शिकवले जाणारे अभ्यासक्रम यांची माहिती असणे आवश्यक आहे.

दहावी पास विद्यार्थ्यांना मिळेल 3 लाखांचे पॅकेज! लगेच करा 'या' कोर्सला अप्लाय

विद्यापीठानंतर करिअर

परदेशात कॉलेज निवडताना अनेकदा विद्यार्थी अभ्यासानंतर करिअर कसे होईल याकडे लक्ष देत नाहीत. हा प्रश्न सर्वात महत्वाचा असताना. विद्यापीठाच्या अभ्यासानंतर विद्यार्थ्यांचे करिअर कसे असेल, हे विद्यार्थ्यांनी प्रवेश घेण्यापूर्वी लक्षात ठेवले पाहिजे.