Career Tips: शिक्षण सुरु असताना करिअरमध्ये प्रगती करायचीये? मग पार्ट टाइम जॉब्स ठरतील फायदेशीर

मुंबई, 16 डिसेंबर: तुम्ही कॉलेजमध्ये शिकत असाल किंवा कुठेतरी नोकरी करत असाल, पार्ट टाइम जॉब (Part Time Jobs) तुमच्यासाठी करिअरचा उत्तम पर्याय ठरतो. आजकाल अर्धवेळ नोकरीचा ट्रेंड चांगलाच हिट झाला आहे. त्यांच्या नोकरी किंवा महाविद्यालयात शिक्षण घेतल्यानंतर (Part Time Jobs with study), लोक मोकळ्या वेळेत हॉबी बेस्ड नोकऱ्या (Hobby based Jobs) किंवा करिअर ओरिएंटेड पार्ट टाइम जॉब (Career Oriented part time Jobs) शोधतात. यामुळे त्यांना करिअरच्या (How to make career) वाढीसाठी खूप मदत होते.

ज्या लोकांना कंटेंट रायटिंगमध्ये (Career in Content writing) रस आहे, ते त्यांच्या मोकळ्या वेळेत फ्रीलान्स प्रोजेक्ट घेतात. जर तुम्ही देखील अशा क्षेत्रात असाल, ज्यामध्ये तुम्हाला पार्ट टाइम जॉब करण्याची संधी मिळेल, तर नक्कीच त्याचा फायदा घ्या. यामुळे साईड इनकम सोबतच तुमचे स्किल्स वाढतील.

तुमच्या क्षेत्रातच करा पार्ट टाइम जॉब्स

तुम्ही ज्या क्षेत्रात शिकत आहात किंवा प्रशिक्षण अभ्यासक्रम करत आहात त्या क्षेत्रात पार्ट टाइम जॉब (Part Time Jobs near me) करणे चांगले राहील. यामुळे त्या क्षेत्राचा चांगला अनुभव येतो, ज्यामुळे भविष्यातही त्याच क्षेत्रात नोकरी मिळू शकते. पार्ट टाइम नोकरी ही प्रशिक्षणासारखी मानली पाहिजे; त्यातून उत्पन्न तर मिळतेच पण करिअरचा मार्गही सोपा होतो. जर तुम्ही नोकरीतून वेळ काढून अर्धवेळ नोकरी करत असाल तर तुम्ही छंदावर आधारित नोकरी देखील निवडू शकता.

Career Tips: महिलांनो, एअर होस्टेसप्रमाणे ट्रेन होस्टेस म्हणूनही करू शकता करिअर

अनुभवासाठी पार्ट टाइम जॉब महत्त्वाचा

एखाद्या कंपनीत पार्ट टाईम जॉब करण्याची संधी असेल तर तिथली वर्क कल्चर समजायला मदत होते. तेथे मिळालेल्या एक्सपोजरचा भविष्यात खूप फायदा होतो (Part Time Jobs benefits). अर्धवेळ काम करताना तुम्ही अनेक महत्त्वाच्या गोष्टी शिकता. तसेच कामाच्या शिस्तीची माहिती देते. अर्धवेळ नोकरी केल्याने वेळ व्यवस्थापन, टीमवर्क, सर्जनशीलता, मल्टीटास्किंग आणि नेतृत्वाची गुणवत्ता देखील वाढते.

नोकरी आणि अभ्यास यात समतोल राखा

जर तुम्ही अर्धवेळ नोकरी करत असाल तर तुम्हाला तुमचा अभ्यास आणि काम (वर्क लाइफ बॅलन्स) यांच्यात समतोल राखावा लागेल. यामुळे तुमच्या अभ्यासाला किंवा प्रशिक्षणाला कोणत्याही प्रकारे हानी पोहोचू नये. पार्ट टाईम जॉबचा उद्देश फक्त पैसे कमवणे हा नसावा. अनेक कंपन्यांचे कामकाजाचे वेळापत्रक बरेच लवचिक असते. तिथे तुम्ही तुमच्या अटींवर काम करू शकता. पण परिस्थिती नेहमीच तुमच्या बाजूने असेलच असे नाही. अशा परिस्थितीत तुमच्या अभ्यासाला किंवा प्राथमिक नोकरीला प्राधान्य द्या.