कोणत्या बँक खात्याला लिंक आहे तुमचं Aadhaar Card; असं शोधू शकता चुटकीसरशी

नवी दिल्ली, 13 जानेवारी : आधार कार्ड (Aadhaar Card) आपल्या जीवनातील एक महत्त्वाचा भाग बनला आहे. बँक खात्यापासून ते सरकारी योजनांचा लाभ घेण्यापर्यंत सर्वांसाठी आधार कार्ड आवश्यक आहे. प्राप्तिकराशी संबंधित कामांसाठीही आधार कार्ड आवश्यक आहे. मोबाईल वॉलेटच्या वापरातही आधार कार्ड महत्त्वाची (Aadhaar Card Bank link Status) भूमिका बजावतं. त्यामुळं बँक खातं, मोबाईल क्रमांक आणि पॅनकार्डसोबत (Pan Card) आधार कार्ड लिंक करणं आवश्यक आहे. आधार कार्ड नसल्यास कोणतंही महत्त्वाचं काम करताना वेगवेगळ्या समस्यांचा सामना करावा लागू शकतो. एका व्यक्तीकडे एक आधार कार्ड असतं. मात्र, एखाद्या व्यक्तीचे अनेक मोबाइल नंबर आणि अनेक बँक खाती असू शकतात. त्यामुळेच अनेक वेळा आधार कार्ड कोणत्या बँक खात्याशी किंवा मोबाइल क्रमांकाशी जोडलं गेलंय याविषयी गोंधळाची स्थिती निर्माण होते. तुमचं आधार कार्ड तुमच्या कोणत्याही बँक खात्याशी लिंक आहे की नाही हे शोधण्यासाठी बँक किंवा आधार कार्ड केंद्रात जाण्याची गरज नाही. तुमचं आधार कार्ड कोणत्या बँक खात्याशी लिंक झालंय हे तुम्ही आरामात घरच्या घरी बसून ऑनलाइन जाणून घेऊ शकता. असं जाणून घ्या- सर्व प्रथम UIDAI च्या अधिकृत वेबसाइट www.uidai.gov.in वर जा. इथं तुमचं आधार आणि बँक खातं तपासा (Check Your Aadhaar and Bank Account) या लिंकवर क्लिक करा. येथे तुम्हाला तुमचा आधार क्रमांक आणि सुरक्षा कोड टाकावा लागेल. आता तुमच्या नोंदणीकृत मोबाईल नंबरवर एक OTP येईल. UIDAI वेबसाइटवर हा OTP टाका. येथे तुमच्या समोर login चा पर्याय दिसेल. त्यावर क्लिक करा. लॉग इन केल्यानंतर, तुमच्या आधारशी लिंक केलेल्या सर्व बँक खात्यांचा तपशील उघड होईल. हे वाचा -  ब्रेन स्ट्रोक आलेल्या व्यक्तीला समजदार व्यक्ती वाचवू शकतो; ही लक्षणं दिसली की ताबडतोब गाठा हॉस्पिटल आधार कार्ड लॉक करता येतं UIDAI म्हणजेच आधार कार्ड जारी करणारी संस्था तुम्हाला तुमचं आधार कार्ड लॉक करण्याची सुविधा देखील देते. आधार कार्ड लॉक करण्याचा फायदा म्हणजे तुमचं आधार कार्ड कुठेतरी हरवलं तरी कोणीही त्याचा वापर करू शकत नाही. अशा प्रकारे आधारशी लिंक केलेला तुमचा डेटा सुरक्षित राहतो. हे वाचा -  टक्कल पडण्याची भीती दिवस-रात्र सतावतेय? केस गळती थांबवण्यासाठी मेथी-कांद्याचा असा करा वापर आधार कार्ड लॉक करण्यासाठी, प्रथम तुम्हाला तुमच्या आधार लिंक केलेल्या मोबाइल नंबरवरून 1947 वर GETOTP संदेश पाठवावा लागेल. मेसेज पाठवल्यानंतर तुमच्या मोबाईल नंबरवर एक OTP पाठवला जाईल. तुम्हाला ‘LOCKUID आधार क्रमांक’ टाइप करून हा OTP पुन्हा 1947 वर पाठवावा लागेल. अशा प्रकारे तुमचं आधार कार्ड लॉक होईल.

• Follow us on