नवी दिल्ली 29 मे : पाळीव पक्ष्यांमध्ये पोपट हा मानवाचा सर्वात आवडता पक्षी मानला जातो. पोपटांना मिट्टू, सुग्गा इत्यादी अनेक नावांनी ओळखलं जातं. पोपटांच्या रंगीबेरंगी प्रजाती जगभरात आढळतात. तर भारतात बहुतेक पोपट हे हिरव्या रंगाचे असतात. पोपट दिसायला आकर्षित असतात, सोबतच ते तितकेच बुद्धीमानही असतात. त्यांना घरात पाळणंही अतिशय सोपं आहे. अनेकदा तर हा पक्षी अगदी माणसांप्रमाणेच बोलतानाही पाहायला मिळते. त्यामुळेच एखादी गोष्ट लवकर लक्षात ठेवून वारंवार ती बोलणाऱ्या लोकांना पोपट असं म्हटलं जातं. VIDEO बनवणाऱ्या तरुणीसोबत माकडाचं अश्लील कृत्य; पाहून तुम्हीही व्हाल शॉक आपल्या बुद्धीमत्तेमुळे अनेकदा पाळीव पोपट मालकाच्या घरात राहून मानवी भाषा शिकतात आणि मालकासोबत संवादही साधू लागतात. सध्या व्हायरल होणाऱ्या व्हिडिओमधील पोपटही असाच आहे. जो आपल्या मालकिणीसोबत गप्पा मारत आहे (Parrot Speaking in Hindi). असे पोपट इंडोनेशियाच्या उत्तर मालुकूच्या जंगलात आढळतात.
व्हिडिओमध्ये (Viral Video of Parrot) पाहायला मिळतं, की किचनमध्ये कामात व्यस्त असलेली एक महिला पोपटाच्या बोलण्याला उत्तर देत ‘आले बेटा’ म्हणत आहे. मग पोपट शिट्टी वाजवतो आणि ज्या मालकिणीला आपली आई मानतो तिच्याशी हिंदीत बोलायला लागतो. आई पुन्हा पोपटाला म्हणते “आले बेटा आले”, “मी चहा घेऊन येते”. हे ऐकताच पोपट आपल्या गोंडस शैलीत “चहा” असं म्हणतो. बापरे! श्वानाच्या तोंडात घुसला जगातील सर्वात विषारी साप; वाचवण्यासाठी मालकिणीने हात टाकला अन्… पोपटाचा हा व्हिडिओ आयपीएस अधिकारी दीपांशु काबरा यांनी ट्विटरवर शेअर केला आहे. त्यात त्यांनी लिहिलं आहे की, “जेव्हा कोणी एवढ्या आत्मीयतेने संवाद साधतो तेव्हा बोलण्यात एक वेगळीच मजा असते. हे सुंदर आणि निरागस संभाषण ऐकून असं वाटतं, की आपल्याला सगळ्या सजिवांसोबत बोलता यायला हवं होतं” क्लिपमध्ये, लाल रंगाचा पोपट लिव्हिंग रूममध्ये बसला आहे आणि आपल्या आईला (मालकिणीला) हाक मारत आहे. त्यानंतर तो तिच्याशी गप्पा मारू लागतो. मात्र व्हिडिओमध्ये तो नेमकं काय बोलत आहे हे व्यवस्थित समजत नाही. सुरुवातीला तो मम्मी अशी हाक मारतो. ज्यावर त्याची आई उत्तरात म्हणते की माझा सर्वात चांगला मुलगा. यानंतर पोपटाच्या गोड गोड गप्पा सुरू होतात. ट्विटरवर शेअर केलेला हा व्हिडिओ आतापर्यंत 46 हजारहून अधिक वेळा पाहिला गेला आहे. नेटिझन्स या व्हिडिओवर कमेंट्सचा पाऊस पाडत आहेत आणि बहुतेकांनी कमेंट्समध्ये या पोपटाला ‘स्वीट’ म्हटलं आहे.