मुंबई, 30 मार्च: विज्ञानाने एवढी प्रगती केली आहे, की आता मानव अमर होण्यासाठीदेखील विविध प्रकारचं संशोधन करण्यात येत आहे. अद्याप मानवी शरीराला अमरत्व (Eternity of Human Life) मिळालेलं नाही. परंतु मानवाचा मेंदू दीर्घ काळ जिवंत ठेवण्यासाठी सध्या संशोधन सुरू आहे. रशियन अब्जाधीश दिमित्री इत्स्कोव्ह (Dmitry Itskov) हे एका एनजीओच्या माध्यमातून मेंदूचं वय वाढवण्याच्या प्रकल्पावर काम करत आहेत. ही कल्पना एखाद्या विज्ञानकथेला शोभेल अशी आहे; मात्र ती आता केवळ कल्पनेच्या पातळीवर नव्हे, तर सत्यात उतरण्याच्या पातळीकडे वाटचाल करत आहे. ‘2045 Initiative’असं या एनजीओचं नाव आहे. या प्रकल्पाच्या माध्यमातून असा दावा केला जात आहे, की माणसाच्या मृत्यूनंतरही आर्टिफिशियल इंटेलिजन्सच्या (Artificial Intelligence) माध्यमातून त्याच्या शरीराचं एका अ‍ॅपच्या स्वरूपात डिजिटल बॉडीमध्ये रूपांतर केलं जाईल आणि मेटाव्हर्स टेक्नॉलॉजीच्या (Metaverse Technology) माध्यमातून मानवी मेंदू त्या शरीरात जाऊन वर्षानुवर्षं जिवंत राहील. या अनोख्या प्रकल्पासाठी मानवाला त्याचा मेंदू मेटाव्हर्सवर अपलोड करावा लागेल. Electric Scooter मध्ये आग लागल्यानंतर एक्सपर्टचा मोठा इशारा, काय होतं आगीचं कारण मेटाव्हर्समध्ये जिवंत राहील मेंदू मॉस्कोचे रशियन अब्जाधीश दिमित्री इत्स्कोव्ह यांनी 2045 पर्यंत त्यांचा प्रकल्प पूर्ण होईल अशी आशा व्यक्त केली आहे. डेली स्टारच्या वृत्तानुसार, दिमित्री म्हणतात, की त्यांना त्यांच्या आयुष्यात पुढे जायचं आहे की नाही, हे माणसं ठरवू शकतील. जेव्हा त्यांचं जैविक शरीर मरण्यास सुरुवात होईल तेव्हा या संकल्पनेद्वारे ते त्यांच्या मेंदूची डिजिटल प्रत तयार करू शकतील. ही डिजिटल प्रत सायबर स्पेसमध्ये जिवंत राहू शकेल. या प्रक्रियेला माइंड अपलोडिंग असं म्हटलं जाईल. ब्रेन-कम्प्युटर लिंकिंगचं काम इत्स्कोव्ह प्रथमच मेंदू आणि संगणक जोडण्याच्या तंत्रज्ञानावर काम करत आहेत असे नाही. यापूर्वीच टेस्लाचे सीईओ एलॉन मस्क (Elon Musk) यांची न्यूरालिंक (Neuralink) नावाची कंपनीही यावर संशोधन करत आहे. यामध्ये संपूर्ण मेंदू सायबरमध्ये अपलोड केल्यानंतर बसून विचार करत असतानाच काम होत जाईल. सध्या इत्स्कोव्ह यांचं तंत्र मेटाव्हर्समध्ये मानवी मेंदू अमर करण्याचं आहे. Shocking! हा Mobile Number नव्हे तर मृत्यू; ज्याने ज्याने वापरला त्याचा गेला जीव
स्वत:ला भविष्यवादी म्हणवणारे टॉम चीझराइट म्हणाले, की तंत्रज्ञानाच्या मदतीने जेव्हा आर्टिफिशियल इंटेलिजन्स आणि व्हीआर रोबोट्समध्येदेखील मानवी चेतना उत्पन्न केली जाऊ शकेल, तो दिवस उजाडणंही आता अशक्य नाही. हे सगळं वाचल्यावर नक्कीच वाटलं असेल ना, की आपण विज्ञानकथाच वाचतो आहोत.