Aadhar Cardलाही असते एक्सपायरी डेट; असं करता येतं नुतनीकरण; जाणून घ्या स्टेप बाय स्टेप प्रोसेस
मुंबई, 6 जुलै: आधार कार्ड हे अत्यावश्यक कागदपत्रं म्हणून वापरलं जाणारं ओळखपत्र बनलं आहे. आधारकार्ड आता जवळपास सर्व शासकीय योजनांसाठी गरजेचं असतं. थोडक्यात आधारकार्डशिवाय तुम्ही कोणत्याही सरकारी योजनेचा लाभ घेता येत नाही. अशा परिस्थितीत, जर तुमचे आधार कार्ड कालबाह्य (Aadhar Card Expiry Date) झालं असेल तर तुमच्यासाठी समस्या उद्भवू शकते, परंतु त्याबद्दल काळजी करण्याची गरज नाही, कारण कालबाह्य झालेले आधार कार्ड देखील रिन्यू केले जाऊ शकते. अनेकांना माहिती नसेल की, आधार कार्डला एक्सपायरी डेट देखील असते. ही एक्सपायरी डेट आधार बनवणाऱ्या UIDAI ने निश्चित केली आहे. UIDAI द्वारे बनवलेली अनेक प्रकारची आधार कार्डे आहेत, ज्यात नवजात मुलांसाठी ब्लू आधार कार्ड, 5 वर्षांपेक्षा कमी वयाचे आधार कार्ड, 5 ते 15 वर्षे वयोगटातील लोकांसाठी आधार कार्ड आणि प्रौढांसाठी आधार कार्ड यांचा समावेश आहे. ही आधार कार्डे वेळोवेळी अपडेट करणे आवश्यक आहे. जर आधार कार्ड वेळेवर अपडेट केले नाही तर ते कालबाह्य होईल. तथापि, तुम्ही ही कार्डे कालबाह्य झाल्यानंतरही त्यांचे नूतनीकरण करू शकता. येथे तुम्हाला आधार कार्डच्या एक्सपायरी आणि रिन्यूअलबाबत माहिती दिली जात आहे. हेही वाचा: Safety Tips: पावसाळ्यात दुचाकी चालवताना ‘या’ 6 गोष्टी आधी पाहा; नाहीतर अपघात झालाच म्हणून समजा आधार कार्ड कधी कालबाह्य होऊ शकते? (When can Aadhar card expire?) जर मुलांसाठी ब्लू आधार कार्ड बनवले असेल तर ते 5 वर्षांनंतर कालबाह्य होईल. त्याच वेळी, 5 वर्षांवरील आणि 15 वर्षांपेक्षा जास्त वयाच्या मुलांसाठी तयार केलेले आधार अपडेट न केल्यास ते अक्षम केलं जाते. यामध्ये बायोमेट्रिक डेटा अपडेट करणे आवश्यक आहे. त्याच वेळी, प्रौढ लोकांसाठी, आधार कार्ड आयुष्यभर सारखेच राहते. तथापि, पत्ता, क्रमांक किंवा इतर कोणतीही महत्त्वाची माहिती बदलल्यास, आपण ती अपडेट करू शकता. हेही वाचा: तुमच्या व्हॉट्सअ‍ॅपला ठेवा विठूरायाचे हे सुंदर स्टेटस; लाईक, शेअर्सचा पडेल पाऊस कालबाह्य झालेल्या आधार कार्डचे नूतनीकरण कसे करावे? (How to Renew Expired Aadhar Card?) जर तुम्हाला कालबाह्य झालेले आधार कार्ड रिन्यू करायचे असेल तर तुम्हाला ते अपडेट करावे लागेल. UIDAI फक्त 5 वर्षे आणि 15 वर्षे वयामध्ये बायोमेट्रिक डेटा अपडेट करण्यास सांगते.