नवी दिल्ली, 28 एप्रिल: कोरोनाच्या दुसऱ्या लाटेचा देशभरात कहर सुरू आहे. त्यामुळे अनेक राज्यात लॉकडाउन लावण्यात आला आहे. अशा परिस्थितीत आपल्या आणि आपल्या कुटुंबियांसाठी घरात राहणंचं सर्वात सुरक्षित आहे. कोरोना काळात एकीकडे ऑनलाईन व्यवहारांमध्ये मोठी वाढ झाली असताना, दुसरीकडे ऑनलाईन बँकिंग फ्रॉडच्या संख्येतही मोठी वाढ झाली आहे. सर्वच गोष्टी डिजीटली होत असताना, याचा धोकाही वाढताना दिसतो आहे. अनेक लोक कोरोनामुळे बँकिंग, इतर अनेक पैशांचे व्यवहार ऑनलाईन पद्धतीने करतात. परंतु ऑनलाईन व्यवहार करताना सतर्क राहणं, सावधगिरी बाळगणं अतिशय महत्त्वाचं आहे. याबाबत SBIनेही आपल्या ग्राहकांना अलर्ट केलं आहे. QR कोडने पेमेंट करताना SBI चा अलर्ट - SBI ने फ्रॉडपासून वाचण्यासाठी आपल्या ग्राहकांना QR कोड स्कॅनबाबत अलर्ट केलं आहे. कोणत्याही व्यक्तीने पाठवलेला QR कोड स्कॅन करू नये. यामुळे मोठा फटका बसण्याची शक्यता असून, एका चुकीमुळे अकाउंट खाली होऊ शकतं. हेच सांगण्यासाठी SBI ने एक व्हिडीओ शेअर केला आहे. अशा क्यूआर कोड स्कॅनमुळे आतापर्यंत अनेकांना या फ्रॉडचा फटका बसला आहे.
ATM मधून QR कोडद्वारे काढता येतात पैसे - एसबीआयने विना डेबिट कार्डदेखील ATM मधून पैसे काढण्याच्या सुविधेची सुरुवात केली आहे. यासाठी फोनमध्ये YONO App असणं आवश्यक आहे.
- ATM मध्ये QR कोड स्कॅन हा पर्याय असेल, त्यावर क्लिक करावं लागेल. - YONO App ने कोड स्कॅन करावा लागेल, कॅश अमाउंट टाकल्यानंतर एंटर करा. - यामुळे कोणत्याही OTP ची गरज लागणार नाही.