नितीश आणि रिंकूची झुंज व्यर्थ, सनरायजर्स हैद्राबादचा कोलकाताच्या होम ग्राउंडवर दणदणीत विजय
मुंबई, 14 एप्रिल : आयपीएल 2023 मधील 18 वा सामना सनरायजर्स हैद्राबाद विरुद्ध कोलकाता नाइट रायडर्स यांच्यात पारपडला. या सामन्यात सनरायजर्स हैद्राबादकडून कोलकाता नाइट रायडर्सचा पराभव झाला आहे. सामन्यात कोलकाता नाइट रायडर्सचा 23 धावांनी पराभव झाला असून सनरायजर्स हैद्राबादने आयपीएल 2023 मधील दुसरा सामना जिंकला आहे. कोलकातामधील इडन गार्डनच्या मैदानावर सनरायजर्स हैद्राबाद विरुद्ध कोलकाता नाइट रायडर्स यांच्यात सामना सुरु आहे. या सामन्यात सुरुवातीला सनरायजर्स हैद्राबाद संघ फलंदाजीसाठी मैदानात उतरला. यावेळी विस्फोटक फलंदाज हॅरी ब्रुक सह मयांक अग्रवाल हे दोघे सुरुवातीपासूनच चांगली फटकेबाजी करीत होते. परंतु पाचव्या ओव्हरमध्ये मयांक अग्रवालची विकेट पडली. त्यानंतर लगेचच सहाव्या बॉलवर राहुल त्रिपाठी देखील 9 धावा करून माघारी परतला.
मात्र हॅरी ब्रुकने संघाचा डाव सावरत मैदानावर चौकार षटकारांची अतिशबाजी सुरु ठेवली. हॅरीने 55 चेंडूत 100 धावा केल्या यादरम्यान 12 चौकार आणि 3 षटकार लगावले. हॅरी ब्रुकने लगावलेले हे शतक आयपीएल 2023 मधील पहिले शतक ठरले. तसेच आयपीएल कारकिर्दीतील हॅरीचे हे पहिले शतक होते. हॅरी सोबतच कर्णधार एडन मार्करमने 50, अभिषेक शर्माने 32 तर हेनरिक क्लासेनने 16 धावा केल्या. सनरायजर्स हैद्राबादने या सामन्यात 20 ओव्हरमध्ये 4 विकेट्स घालून 228 धावा केल्या. कोलकाता समोर विजयासाठी 20 ओव्हरमध्ये 229 धावांचे आव्हान असताना केकेआरची सुरुवात खराब झाली. रहमानउल्ला गुरबाज, व्यंकटेश अय्यर, सुनील सुनील नरेन, अँद्रे रसेल हे खेळाडू स्वस्तात बाद झाले. परंतु एन जगदीसन, नितीश राणा , रिंकू सिंह , शार्दूल ठाकूर यांनी केकेआरची खिंड ताकदीनं लढवली. नितीश राणाने संघाकडून सर्वाधिक 41 चेंडूत 75 धावा केल्या. तर एन जगदीसनने 35, तर एन जगदीसनने 35 , रिंकू सिंहने 58 तर शार्दूल ठाकूरने 12 धावा केल्या. अखेर रिंकू सिंह आणि नितीश राणा यांची झुंज अखेर अपयशी ठरली आणि सनरायजर्स हैद्राबादचा 23 धावांनी विजय झाला.