मुंबई, 10 मे : टीम इंडियाचा अनुभवी ओपनर शिखर धवन (Shikhar Dhawan) सोशल मीडियावर बराच ऍक्टिव्ह असतो. आपल्या सोशल मीडिया अकाऊंटवरून धवन नेहमीच मजेशीर व्हिडिओ शेयर करतो. यावेळी त्याने पंजाब किंग्सची (Punjab Kings) मालकीण प्रीती झिंटासोबतचा (Preity Zinta) एक व्हिडिओ शेयर केला आहे. या व्हिडिओमध्ये धवन आणि प्रीती जिममध्ये वर्क आऊट करताना दिसत आहेत. एक ग्रेट जिम सेशन, असं कॅप्शन धवनने या व्हिडिओला दिलं आहे. धवन आणि प्रीतीचा हा व्हिडिओ सोशल मीडियावर व्हायरल होत आहे. आयपीएल 2022 मध्ये शिखर धवन जबरदस्त फॉर्ममध्ये आहे. पंजाब किंग्सकडून खेळताना धवनने 11 मॅचमध्ये 42.33 च्या सरासरीने 381 रन केले आहेत, यात 3 अर्धशतकांचा समावेश आहे.
आयपीएल 2022 च्या लिलावात खरेदी झालेला धवन पहिला खेळाडू आहे. धवनला पंजाब किंग्सने 8.25 कोटी रुपयांना विकत घेतलं होतं. मागच्या आयपीएलमध्ये धवन दिल्ली कॅपिटल्ससोबत होता. धवनने आतापर्यंत 203 आयपीएल सामन्यांमध्ये 35.22 च्या सरासरीने 6,165 रन केले आहेत, यात त्याच्या नावावर 2 शतकं आणि 47 अर्धशतकं आहेत. धवन विराट कोहलीनंतर आयपीएलमध्ये सर्वाधिक रन करणारा दुसरा खेळाडू आहे. विराटने 219 सामन्यांमध्ये 36.30 च्या सरासरीने 6,499 रन केले आहेत. पंजाब किंग्स आठव्या क्रमांकावर आयपीएलच्या या मोसमात पंजाब किंग्सच्या कामगिरीमध्ये चढ-उतार राहिला. मयंक अग्रवालच्या नेतृत्वात खेळणाऱ्या पंजाबने 11 सामन्यांपैकी 5 मॅच जिंकल्या आहेत. प्ले-ऑफमध्ये पोहोचण्यासाठी त्यांना आता उरलेल्या तिन्ही मॅच जिंकणं गरजेचं आहे. पंजाबचा पुढचा सामना 13 मे रोजी आरसीबीविरुद्ध आहे.